VULI
iLalavaki ni Veisiga ni Mataka
Vakavakarau mo ni dauveivakauqeti vinaka ena vuravura oqo. Mo ni vuli, ka marautaka tiko na vuli ka. Vuli ena semineri.
Au sa maqusa sara meu cakacaka niu suka mai na kaulotu. Au a cakacaka tu e liu ka sega na noqu ivola, kau sa mani cakacaka wavoki tu ga, ia au sega ni marautaka ka sega ni kauta mai vei au e dua na ka me baleta noqu veisiga ni mataka.
Au vinakata ga meu vuli, ia e sega na noqu ilavo, ka ratou sega ni vukei au rawa na noqu matavuvale.
Ena gauna a tauyavu kina na iLavo Vure ni Vuli (Perpetual Education Fund), au raica meu sa veisautaka na noqu veisiga ni mataka. Au a vakararavi vua na Tamada Vakalomalagi me vukei au, kau a kerea na Nona veivakauqeti me baleta na vuli meu cakava.
Au a digitaka meu vuli nasi. E gadrevi kina na vuli lesoni vakaukauwa kei na yalodina. Au sa taleitaka dina meu nasi. Ni oti e tolu na vula na noqu a tauriivola au a laki cakacaka sara ena dua vei ira na valenibula vinaka e Alagoas mai Brazil.
Au sa lalavaki vakalevu baleta na noqu veisiga ni mataka. Au sa via vuli torocake, kau sa sauma lesu tale tiko na noqu dinau me rawa kina ni ra laki vuli talega eso ka ra vakalougatataki kina.