Vakasama
Na Liaona Sa Vakalougatataka na Neimami Bula
Keimami sa vakavinavinaka sara vakalevu ni keimami sa taura tiko na neimami Liaona e Vanuatu. Sa dua na ka talei na vakawilika na kedra itukutuku na tamata mai na veivanua kei na kena sa toso tiko na Lotu ena veiyasai vuravura taucoko. Keimami sa mai vulica rawa e vuqa na ka mai na mekesini oqo. Sa vakalougatataka na neimami bula, ka sa na toro cake tikoga kina na neimami bula.
Amos Tarohati Zoro, Vanuatu
E Dua na Sala ki na dua na Tobu ni Wai Savasava
Me vaka niu qasenivuli ni iVakavuvuli ni Kosipeli ena neitou tabanalevu, au sa vakavinavinaka vakalevu sara ki na cakacaka levu ko ni sa vakayacora ena LDS.org. E dau dredre tu na laurai ni veitukutuku vakalotu ena neimami vanua. Na neimami sa raica tu ena Initaneti na ivolanikalou kei na itukutuku ni lotu a vaka e dua na sala ki na dua na tobu ni wai savasava. Au vinakata mo ni kila ni sa mai veisautaka vakalevu na neimami bula ena veisiga na lewenilotu na nomuni veivuke oqo. Sa qai dua na cakamana vei ira me sa vakarautaki tu na itukutuku ni Tamada Vakalomalagi ena nodra vosa.
Yacana e taqomaki
Na Vosa e Rawa ni Vukea na Tamata Kecega
Au sa vakavinavinaka vakalevu ki na Liaona ena noqu bula! Era sa tu kina na veivosa veivakauqeti ena vukea na tamata kecega,era lewe ni Lotu se sega. Eratou vakaraitaka toka mai na Mataveiliutaki Taumada na nodratou lomani keimami, ka sa vutucoqa tu ena Domodra na Yalododonu Edaidai na ivakaraitaki meda vakamuria. Au wilika kece sara na draunipepa ni mekesini oqo baleta niu sa kila na sala ena tara na yaloqu ka vaqaqacotaki au niu vakayacora vakakina. Au kila ni mekesini oqo e tarai kina na yalodra na tamata ena Rarama i Karisito, kau sa vakavinavinaka kina vei kemuni o ni veiqaravi kina.
Cristophe Jaime, Portugal
E Noqu iTokani na Liaona
Niu dau wilika na Liaona, au kila niu sa kalougata dina meu tiki ni dua na cakacaka cecere oqo ni Turaga. Na Liaona e vukei au meu dua na lewe ni Lotu vinaka. Au kila ni Liaona sa rawa ni dua na iyaya ni cakacaka vinaka ni kaulotu. Oi keda na lewenilotu sa rawa meda vukei ira na tamata mera lako mai vua na Karisito. Na Liaona sa dua vei ira na noqu itokani vinaka duadua.
Galsanjamts Dashdavaa, Mongolia
Keitou sa Vakatacini ka Vakaganeni
Au sa vakavinavinaka vakalevu vua na Tamada Vakalomalagi niu mai kunea rawa na Nona Lotu kau sa lewena sara. Au sa mai kila na veika dina cecere, au sa mai vinaka cake, ka vakavakarau tiko ki na bula tawamudu. Au sa marau tiko vakalevu ni o iratou na noqu matavuvale eratou sa tiki talega ni Lotu i Jisu Karisito ni Yalododonu Edaidai ka keitou sega ni tiko duadua—keitou sa vakatacini ka vakaganeni. Sa dau vaqaqacotaki keitou na Lotu ena veigauna dredre. Keitou sa vakavinavinaka vakalevu vua na Tamada Vakalomalagi kei Jisu Karisito ka vakakina vei ira na parofita kei na iapositolo, era qaravi keda tiko.
Susanna Martirosova, Armenia