MAI NA VEIYASAI VURAVURA

Tauyavutaki na iKa 100 ni iVavakoso YDE e Taiwan

Ni oti na kena tauyavutaki na Tabana o Mingchien ena Me ni 2008, sa mai 100 kina na ivavakoso ni Lotu e Taiwan. E toka ena loma kei Taiwan na taoni lailai oqo o Mingchien. Sa voleka ni yacova na 50,000 na lewenilotu era tiko ena 100 na kena tabanilotu.

Era a tadu yani na isevu ni daukaulotu ena mua ni 1950, ka ra dau veiliutaki vakavuqa na daukaulotu vei ira na ivavakoso. Era sa veiliutaki raraba sara tikoga edaidai o ira na lewenilotu e kea.

E Veivakaduavatataki ka Vakatetea na Kosipeli na Soli iTukutuku Raraba mai Varanise

Era a vakarautaka na iliuliu ni iteki e Lyon, Varanise, e dua na soli itukutuku raraba me baleta na kena vakayagataki na gacagaca vou ni FamilySearch. Era a vakayacora na ka oqo ena ika 13 ni Me, 2008 me vakatakilaitaki na ivakavuvuli ni Lotu vei ira na dauvolaitukutuku kei ira na iliuliu ni veitikotiko raraba ni vakamacalataki tiko na kena bibi na tuvanaki ni kawa ki na nodra bula na lewe ni Lotu kei na ivakavuvuli ni matavuvale sa tawamudu. “Era a vakarorogo sara kina vagumatua,”a kaya o Daniel Mocellin, na peresitedi ni iTeki o Lyon France.

Sa Vakarautaki tu ena Komopiuta na iVolanikalou E Tolu Vaka- Denmark, Necaladi, kei na Hungary

Sa vakarautaki tu ena komopiuta na ivolanikalou e tolu vaka-Denmark, vaka-Necaladi, kei na vaka-Hungary ka tiko ena http:// scriptures.lds.org. Na ivolanikalou oqo ena komopiuta sa vakarautaki tu kina na kena ivakamacala e botona, veivuke ni vuli, mape, itaba, kei na kena rawa ni makataki na ivolanikalou. Ena kena gadrevi me lewe levu na lewenilotu me ra wilika na ivolanikalou, a vakarautaka taumada kina na Lotu na ivolanikalou e tolu ena kompiuta ena vosa vaka-Valagi, Varanise, Jamani, Itali, Potukali, kei na Sipeni. Sa vakadewataki oti tu ena sivia e 24 na veimataqali vosa na ivolanikalou ni YDE me vakayagataki ena komopiuta.

Era Veiqaravi ena Mua ni Macawa na iSoqosoqo ni Veivukei

Ena mua ni ikarua ni macawa ni Me era a vakaitavi na lewe ni iSoqosoqo ni Veivukei ni iTeki o Fountain Colorado e Colorado Springs, Colorado, e Amerika ena varovaro, vakayago vinakataki ni kau, culacula, kei na veiqaravi. Ni oti na nodra laki soli dra, era a vakarautaka sara na lewe ni iSoqosoqo ni Veivukei e 200 na ivakarau ni iyaya ka vesuka vata e 40 na itutuvi vuti ni sipi me soli vei iratou na Kauveilatai Damudamu.

Era a lolomataka talega ki na Tabana ni Veiqaravi Raraba Vakamatatamata ni Lotu e sivia e 500 na iyaya ni vakatatalo kau, 25 na lacadrau, ka 82 na matakau kei na 187 na sulu vovou.

Me baleta na nomu rawa ni cau ki na Veiqaravi Vakamatatamata Raraba, rai ki na www.lds.org/ humanitarianservices se qiri ki na 1-801-240-5954.