Me iSakisaki ni iTabagone

Vakataucokotaki Noda QaraviiTavi Vua na Kalou

Galala kei na Vakatulewa Vakatakikoya

Mo ni digitaka na bula dodonu kei na marau, se mani vakacava sara na bula o ni na sotava. Sa nomuni sara ga na colati ni digidigi o ni vakayacora. Tara cake na nomuni rawa ka kei na taledi, ka mo ni caka vinaka kina. Kakua ni dau vakaoti gauna tu ga ka mo ni dau cakacaka vagumatua.

Vakavinavinaka

Me tiko vei kemuni na yalo ni vakavinavinaka ena veika o ni tukuna ka cakava. Vakavinavinakataka na Kalou ni sa vakalougatataki kemuni, ka dau vakavinavinakataki ira na tani era dau vukei kemuni.

Na Vuli

Vakarautaki kemuni mo ni itakataka ni veika vinaka e vuravura. Mo ni vuli, ka dau maqusa ena vuli ka. Vuli ena semineri.

Matavuvale

Qarava na nomuni itavi ka tara e dua na vuvale mamarau. Dokai rau na nomuni itubutubu, ka vaqaqacotaka na nomuni veimaliwai kei ira na tacimuni kei na ganemuni.

Vakaitokani

Digitaki ira na itokani e tautauvata kei na nomuni ivakarau ni bula. Vakarokorokotaki ira kecega na tamata ka dau ivakaraitaki vinaka. Sureti ira nomuni itokani mai na so tale na vakabauta ki na veisoqoni ni Lotu. Vukei ira na lewenilotu vou kei ira era sa luluqa tiko vakalotu.

iSulusulu kei na iRairai

Mo ni dau isulusulu rakorako mo ni rokovi kemuni kei na Kalou. Kakua ni vakalolovirataka nomuni isulusulu me baleta na soqo cava ga. Kua ni veivukiyaka na ituvaki ni yagomuni ena samuqawe kei na veisuaki ni yago.

Veivakamarautaki kei na Vakaraitaki ni iTukutuku

Digitaka ga na veivakamarautaki e veivakauqeti vakayalo. Drotani mai na veika e vakasisila, velavela, tawa kilikili, se dukadukali. Maroroya na ivakatagedegede ni bula va-Kalou.

iVakatagi kei na Danisi

Vakarogoca ga na ivakatagi kei na sere e vukea mo volekata na Tamada Vakalomalagi. Kakua ni vakarorogo ki na sere se ivakatagi e vakauqeta na veika tawa kilikili, e vakalagilagia na veivala, se mo ni cavuta na veivosa e vakatani. Ni o ni danisi me kua ni veitaratara na yago kei na nomuni i sa se mo ni moimoi veisiwati.

iVosavosa

Vakayagataka na vosa e veilaveti, veivakayaloqaqataki, ka vakavinakataki ira na tani. Vakayagataka na yaca ni Kalou kei Jisu Karisito ena vakarokoroko kei na veidokai. Kakua ni cavuta na veivosa se itovo e veivakacacani, velavela, se vakatani.

Na Vakaitau

Kua ni veigadivi me yacova ni o ni sa yabaki 16. Veigadivi ga kei ira e cecere na nodra ivakatagedegede ni bula. Ni o ni tekivu veibuku, lako vakailala se veisasa. Lalawataka na itaviqaravi ena vukea nomuni voleka tikoga vua na Yalo ni Turaga.

Veiyacovi Savasava

Me savasava na nomuni bula veiyacovi. Kua ni tiko vata ni se bera na vakawati. Kua ni vakaitavi ena veivosaki se soqo ka na vakauqeta na yalo ni veiyacovi. Kua ni vakaitavi ena vakasaganegane kei na vakasalewalewa. Vakasaqara na veivuke ni ko ni sa kucuvi, veiyacovi vakaveiwekani dina, se so tale na iwalewale ni veiyacovi.

Veivutuni

Na Veisorovaki ni iVakabula, e vakavuna mo ni vosoti ka vakasavasavataki mai na nomuni cala ni ko ni sa veivutuni. Vakatusa na nomuni ivalavala ca vua na Turaga kei ira o ni caka cala kina. Kevaka o ni cala bibi, e dodonu mo ni laki vakatusa vua na nomuni bisopi.

Yalodina

Yalodina vei iko vakataki iko, vei ira na tani, vakakina vua na Turaga. Kakua ni nanuma ni sa dodonu tiko meda caka cala.

Vakarokorokotaki na Siga ni Vakacecegu

Mo ni qarava ga na Kalou ena Siga ni Vakacecegu, laki lotu, veivolekati vata kei nomuni matavuvale, ka vukei ira na tani. Kua ni vaqara na ka ni veivakamarautaki se vakayagataki ilavo ena Siga ni Vakacecegu. Kevaka e rawa, kakua ni cakacaka ena Sigatabu.

iKatini kei na iSolisoli

Mo ni sauma na ikatini ena yalomuni dina. Mo ni tiko ena veidutaitaki ni nomuni ikatini. Muria na lawa ni lolo.

Tiko Bulabula Vakayago

Vakamuria na Vosa ni Vuku. Kania na kakana bulabula, vakaukauwa yago wasoma, ka dau moce vakavinaka. Kakua ni vakayagataka na wai e veivakamatenitaki, alakaolo, kofi, ti, se tavako. Kua ni vakayagataka vakasivia na wainimate vakavuniwai se na kena o ni volia.

Veiqaravi Vei Ira na Tani

Sa rawa mo ni veiqaravi vei ira na tani ena nomuni ilesilesi vaka Lotu kei na nomuni itikotiko, koronivuli, kei na itikotiko raraba. Vakasaqara na veituberi ni Yalo Tabu ena veisiga me rawa mo ni kila se o cei mo ni veiqaravi kina kei na vukei ni nodra gagadre.

Cavu iKalawa Vata kei na Vakabauta

Mo ni dina vua na Turaga kei na Nona Lotu. Mo ni dau masu ka wilika na ivolanikalou. Maroroya na nomuni veiyalayalati ka dau vakarorogo ki na vakasolokakana ni Yalotabu. Ena vukei kemuni na Turaga ni ko ni sotava na veivakatovolei kei na bolebole.