Qaniliga iVakadinadina

O sa bau dara oti beka na qaniliga? Eso na qaniliga era taqomaka na ligamu ni ko cakacaka. Eso tale era katakata kina na ligamu. E dua tale e daramaki ena qito. Ena itaviqaravi oqo sa rawa mo cakava ga na nomu “qaniliga ivakadinadina” mo nanuma tiko kina e lima na iwase ni nomu ivakadinadina.

Na ivakadinadina sa ikoya na ivakadinadina vakayalo ni veika dina vakosipeli e solia vei keda na Yalo Tabu. Era tiko na veitikina bibi ni ivakadinadina. Kevaka sa lomamu dina mo vakabauta na veika oqori, sa na rawa me tubu na nomu ivakadinadina me dua na kila ka ni veika dina.

NOQU IVAKADINADINA

Au kila ni Kalou sa Tamada Vakalomalagi ka sa lomani keda o Koya.
Au kila ni Luvena, o Jisu Karisito, sa noda iVakabula ka Dauveivueti.
Au kila ni ko Josefa Simici sa parofita ni Kalou. A vakalesuya mai o koya na kosipeli i Jisu Karisito ki na vuravura oqo ka vakadewataka na iVola i Momani ena kaukauwa ni Kalou.
Au kila ni Lotu i Jisu Karisito ni Yalododonu Edaidai sa ikoya na Nona Lotu na Turaga e vuravura edaidai.
Au kila ni veiliutaki tiko ena Lotu oqo e dua na parofita bula ka sa dau ciqoma tiko na ivakatakila.

iVakasala: Taura mai e dua na qaniliga vulavula.* Kotiva laivi na iyaloyalo era tiko ena draunipepa oqo, ka vakabiri ira ena dua na pepa vavaku. Dara na qaniliga. Ni ko tekivu vakamacalataka vakayadudua na lima na tiki ni dua na ivakadinadina, vakabira kina e dua na iyaloyalo, tekivu ena iqaqalo levu. Sa rawa mo vakabira na iyaloyalo oqo ki na qaniliga ena nomu vakayagataka na Velcro, tepi, qulu, pini, se wa.

Ni ko vaqaqacotaka tiko na nomu ivakadinadina, kakua ni rere mo wasea! Ni ko wasea na nomu ivakadinadina, sa rawa mo vakayagataka na veimalanivosa vakaoqo “Au vakadinadinataka ni …” se “Au kila ni …” Ena kaukauwa cake na nomu ivakadinadina ni ko wasea yani vei ira na tani.