Gauna ni Veiwasei

Meu Sa Nona Tamata

MAI VEI Linda Christensen

“Ia ko i kemudou kece sa lesi mo dou qarava na cakacaka ni Kalou, mo dou qaravi Koya ena yalomudou taucoko, na nomudou kaukauwa taucoko kei na nomudou nanuma kecega; io me kunei ni dou sa sega ni cala ena mata ni Kalou ena siga mai muri” (V&V 4:2).

E a gole o Amoni e dua na daukaulotu qaqa ni Nifai ki na nodra vanua na Leimani “[me ra] kila kina na vosa ni Kalou” (Alama 17:12). Ni sa yaco ki na vanua o ya o Amoni, era a vesuki koya na Leimani ka kauti koya vua na tui. A tarogi koya na tui se vinakata beka me tiko ena vanua o ya. A kerea o Amoni vua na tui me sa nona tamata ga.

A qarava vakavinaka na tui o Amoni ena yalona, lomana, vakasama, kei na kaukauwa taucoko. A daulomani ira na tamata. Ena nona kaukauwa e a taqomaka kina na nona sipi kei na nona tamata na tui. A yalomatua ena nona vulica na kosipeli ka wasea vua na tui. E yaloqaqa ka tudei ka sega ni yavalati ni bulataka na kosipeli. (Raica Alama 17–18.)

Na qaqani sere ni Lalai “I Will Be Valiant” (Children’s Songbook, 162) e vakavotuya vei keda me da vakataki Amoni.

The Lord needs valiant servants,

To do his work in the latter day,

Who follow the teachings of Jesus

And serve his people in a loving way.

Sa rawa meda vakataki Amoni ena noda qaravi ira na tamata. Sa rawa meda vakaraitaka ni da lomani ira era tiko vakavolivoliti keda, vakabibi vei ira na noda matavuvale kei na itokani. Sa rawa meda gugumatua ena caka vinaka, ena noda lomasoli kei na veivukei. Sa rawa meda yalomatua ena noda vulica na kosipeli ni da wilika na ivolanikalou ka dau vakarorogo vei rau na noda itubutubu kei ira na qasenivuli. Sa rawa meda qaqa tiko ka sega ni yavalati rawa ni da caka dodonu.

I will be his servant

And keep my cov’nants valiantly.

I’ll stand for truth. I’ll stand for right.

The Lord can depend on me.

iTaviqaravi

Kotiva laivi na ituvaki vakayaloka, ka dregati rau vata. Kotiva laivi na reketuqula e va, lobiki iratou vakaveimama, ka dregati iratou vata me sukuwea. Kotiva laivi na ituvaki momokiti me baleta na dela ni ivakatakarakara, ka cakava kina na kena qara e vinakati. Vakabira se dregata kina e dua na kemu itaba ena ituvaki vakayaloka. Vaqarataka na dela ni itaba vakayaloka kei na veisukuwea yadua e va. Vakayagataka na wa levu se lailai me taucoko kina na ivakatakarakara. Valiliga na ivakatakarakara mo nanuma tiko kina mo qarava na Turaga kei ira na tani.

Vakasama ni Gauna ni Veiwasei

1. Vakarautaka e dua na lisi ni itaviqaravi me baleti ira na gone ena Siga ni Vakacecegu me ra vakatasuasuataka (raica na Lalai 6, lesoni 20,vakatovotovo ni veivakabulabulataki 3, t. 101). Wilika na Vunau kei na Veiyalayalati 4:2, ka tukuna vei ira na gone meda veiqaravi ena yaloda, lomada, vakasama kei na noda kaukauwa taucoko. E dua na sala ni veiqaravi o ya meda dau vakatabuya tiko na Siga ni Vakacecegu. Solia ki na kalasi yadua e dua na itaviqaravi mera veivakatakarakarataki me baleti ira tale eso na gone. Ni oti e dua na veivakatakarakarataki, tarogi ira na gone mera tukuna na sala era sa vukei kina ena itaviqaravi o ya mera veiqaravi ena yalodra, lomadra, vakasama kei na kaukauwa taucoko. Me tomani ke gadrevi vakakina. Solia ki na gone yadua e dua na tiki ni pepa kei na penikau se peni ni rokaroka. Kerei ira na gone me ra droinitaka e dua na ka era na qarava kina na Kalou ni ra cakava ena Siga ni Vakacecegu ka na vukei ira me ra voleka kina vua na Tamada Vakalomalagi. Vakadinadinataka ni noda vakatabuya tiko na Siga ni Vakacecegu sa dua na sala eda sa qarava tiko kina na Tamada Vakalomalagi.

2. Vakaraitaka na Kato ni iYaloyalo Taurivaki ni Kosipeli 307 (E Vunauci ira Tiko na Nona Tamata o Penijamin na Tui),ka wasea na italanoa kei Penijamini na Tui. Sureti ira na gone me ra raica na Mosaia 2:17. Vakamacalataka vei ira na gone ni ivolanikalou oqo a vakavulica o Penijamini vei ira na nona tamata. Mo ni qai wilika vata na tikina oqori. Me veivosakitaki ni da sa qarava tiko na Kalou ena gauna eda sa qaravi ira tiko kina na tani. Raica na Vunau kei na Veiyalayalati 4:2, ka tukuna vei ira na gone meda veiqaravi ena yaloda, lomada, vakasama kei na noda kaukauwa taucoko. Me qai vakatagitaka o daunipiano e dua na sere se serenilotu. Solia vei ira na gone e dua na polo lailai se dua na ka e malumu mera veipasitaka yani ni rogo tiko na ivakatagi se sere. Ni sa cegu na sere se ivakatagi, kerei koya na gone e taura tu na polo me wasea e dua na ka e rawa ni qarava kina e dua. Me tomani tiko me yacova ni ra sa vakaitavi kece na gone. Vakadinadinataka ni gauna eda na qaravi ira kina na tani eda sa qarava tiko na Tamada Vakalomalagi.