VAKASAMA NI LOTU VAKAMATAVUVALE

Na ivakavuvuli sa vakatututaki tiko oqo sa rawa me na vakayagataki ena gauna ni kalasi ka vakakina ena vuvale. Sa rawa mo taurivaka na veivakasama veiganiti oqo me baleta na nomu matavuvale se kalasi.

“Kunei ni Noqu Vakabauta,” t. 8: Me veivosakitaki na ibalebale ni ivakadinadina. Tukuna na italanoa kei Josua. Wilika na Ica 12:6, ka taroga se cava na ibalebale ni ivolanikalou oqo vua. E dau vakatovolei vakacava na noda vakabauta me rawa ni toro cake kina na noda ivakadinadina? A toro cake vakacava na ivakadinadina nei Josua ni sa papitaiso oti? Sureti ira na lewe ni matavuvale me ra wasea na nodra ivakadinadina.

“E 18 na Sala mo Bula Qaqa Kina,” t. 25: Sa rawa me na vakayagataki na vosa oqo ena lotu vakamatavuvale eso. Vola na 18 na ivakatagedegede oqo ena veitiki ni pepa lalai. Taura e dua na tikina, ka wilika na wase e tukuni tiko kina. Veivosakitaka na kena taurivaki na ivakatagedegede oqo ki na nomu matavuvale. Taura tale mai e dua, ka vakamacalataka tale me yacova ni sa veirauti vakavinaka. Vakamatatataka na bibi ni idusidusi oqo ena noda bula. Lavaka me na vakayacori rawa na veivakasala era tiko yadua kina. Tinia ena nomu wilika na iulutaga “Toso ki Liu ena Vakabauta.”

“Mo Qarauni Ira na Ose Kau,” t. 38: Sa matavulotaka tu o Setani na veiose kau ena noda gauna oqo. Wilika na italanoa ni ose ni Trojan mai na kena wase, ka rawa mo tautauri mai na ivola eso, ivakatagi, kei na iyaloyalo yavala e nomu vale. Vakayacora me dua na qito “E Rawa beka me Vakabulai?” Maroroya walega na vakaraitaki ni itukutuku era savasava, totoka, se rogorogo vinaka se daudokai (raica na Yavu ni Vakabauta 1:13). Tinia ena nomu wilika na Mosaia 5:15 kei na Vunau kei na Veiyalayalati 45:32.

“Veivuke Ko na Bula Marau,” t. T10: Taura na gauna oqo me vakatakilaitaki se tomani kina e dua na ivoladusi ni cakacaka ni nomu matavuvale. Vola kina e vica na cakacaka (e ganiti ira na gone), ka kerea ki na tamata yadua me ra digia e dua me ra cakava. Wilika na italanoa, ka veivosakitaki na vuna e bibi kina ki na tamata yadua me veivuke. Me lavaki na nodra laki vukei na tani ena macawa ka tu mai.

“Vakavakarau ki na Kaulotu,” t. T14: Kerea na nomu matavuvale me ratou rogoca na sala eso a vakavakarau kina o Elder Ulisses ki na nona kaulotu. Wilika na ivakasala a vakaraitaka vua o nona bisopi. Me veivosakitaki na sala e rawa me ra vakavakarau ki na kaulotu na lewe ni matavuvale yadua.