AOGA
Fuafuaga mo le Lumanai
Sauniuni ina ia avea oe ma se faatosinaga mo le lelei i le lalolagi. Ia maua tulaga faaleaoaoga, ma ia naunautai e aoao. Ia e auai i le seminare.
Sa ou foi mai le misiona ma le tele o faamoemoega e tusa ai ma galuega. E ui lava sa ou faigaluega muamua, ae sa leai ni ou agavaa, ma sa ou faia mea e mafai ona ou faia ina ia maua ai se galuega, ae sa le faamalieina au ma sa le mafai ona ou iloa se agai i luma o lo’u lumanai.
Sa ou manao pea e suesue, ae sa le mafai ona ou totogiina ia aoaoga, ma e le mafai foi e lo’u aiga ona i ai i se tulaga e fesoasoani mai ai ia te au.
Ina ua amata le Tupe Faaagaga mo Aoga, sa ou vaai ai i se avanoa e suia ai lo’u lumanai. Sa ou faalagolago i lo’u Tama Faalelagi e fesoasoani mai ia te au, ma o lea sa ou filifili ai se mataupu e aoaoina e ala i Ana musumusuga.
Sa ou filifili e aoao le faatausimai. Ma o la’u aoga sa manaomia ai le tele o le suesue ma le naunautaiga. Ae sa tumu au i le fiafia i le faatausimai. I le tolu masina talu ona uma le faauuga, sa mafai ona ou maua ai se galuega i se tasi o falemai sili ona lelei i totonu o Alagoas, Pasila.
Sa tele ni au fuafuaga mo le lumanai. Sa ou fuafua e ave ni vasega maualuluga i le faatausimai, ma ua amata ona ou toe totogiina la’u aitalafu ina ia mafai ai e isi ona maua le avanoa mo le mauaina o se aoaoga ma faamanuiaga e o mai faatasi ai.