VEIVAKAMARAUTAKI KEI NA VAKARAITAKI NI ITUKUTUKU

Digitaka na veivakamarautaki e veilaveti vakayalo. Kakua ni taurivaka na veika e ca, tawa savasava,veivakacacani, se vakasisila. Yalodina tiko ena ivakatagedegede va-Kalou.

Eda sa wavoliti tu oqo ena vuqa na veimataqali veivakamarautaki, e veiulabaleti na digidigi. Oqo eso na idusidusi me vukea na noda digitaka na veivakamarautaki e veilaveti vakayalo:

1. Ni bera ni caka na qito vidio se saravi e dua na iyaloyalo, me vakadikevi taumada na kena yalani kei na lewena.

2. Tarogi iko ke ra tiko beka ena qito se iyaloyalo na veika tawa kilikili, se cava ga na kena yalani. Kauta tani na veika ena vagolea laivi na Yalotabu.

3. Kevaka e vakatani na veika e vakaraitaki, gole tani mai kina, bokoca laivi, se biuta tani.

4. Raica ga na qito, iyaloyalo, kei na ivakatagi e vakabulabulataka na vakasama.

5. Gole tani mai na tivi, talevoni veikauyaki, kei na komupiuta ka sarava na veika ni vuravura oqo ena nomu taubaletaka na veitokaitua, vodo basikeli, vulica e dua na cakacaka vou, se vulica na veitovo ni vanua eso.

6. Marautaka na veiitaviqaravi ena vakabulabulataka na nomu vakasama ka vakaituvaki vinaka kina na yagomu.

Na ivakatagedegede cava ni Kalou ena veidusimaki me digitaki kina na vakaraitaki ni itukutuku? “A ka kecega e vinaka, na ka e totoka, se rogorogo vinaka, se daudokai se vakaturaga, keimami sa gadreva na veika oqori” (Yavu ni Vakabauta 1:13).