VAKAVINAVINAKA

Me tiko vei iko na yalo ni vakavinavinaka ena veika kece o cakava ka cavuta. Vakavinavinakataka na nomu kalougata vua na Kalou, ka dau vakavinavinaka vei ira na tamata era dau vukei iko.

“Oqo e dua na gauna talei meda mai bula voli ena vuravura oqo. E sega ni yalani na noda rawa ka. E levu tu na veika cala ena vuravura oqo edaidai, sa levu talega vakakina na veika dodonu, me vakataka na nodra veituberi na qasenivuli, o ira na italai era veiqaravi, na bula vakamau e tawamudu, itubutubu era solibula, kei na nodra veivuke na itokani.

“Eda rawa ni vakatatakitaki keda, ka vakakina vei ira na tamata eso, ni da dro tani mai na vakasama e veitabaki sobu ka bucina e lomada na itovo e dau vakavinavinaka. Kevaka me okati na tawa vakavinavinaka me ivalavala ca levu, sa qai yaco kina na vakavinavinaka me dua na itovo sa vakaturaga dina… .

“… Me da vakaraitaka na noda vakavinavinaka vua na noda Turaga ka iVakabula, o Jisu Karisito. Sa vakarautaki tu ena Nona kosipeli lagilagi na isau ni taro cecere me baleta na bula oqo: Eda tadu mai vei? Na ibalebale ni noda tiko eke? E gole evei na yaloqu niu sa mate?”

Peresitedi Thomas S. Monson, “An Attitude of Gratitude,” Liahona, Me 2000, 4, 8.