VEIQARAVI VEI IRA NA TANI
Sa rawa mo veiqaravi vei ira na tani ena nomu ilesilesi vaka-Lotu kei na nomu itikotiko, koronivuli, kei na itikotiko raraba. Vakasaqara na veituberi ni Yalo Tabu ena veisiga me rawa ni o kila se o cei mo na veiqaravi kina kei na vukei ni nodra gagadre.
E vakavulica o Penijamini na Tui, “Mo ni kila ko ni sa qaravi Koya tiko na nomuni Kalou, ena nomuni qaravi ira tiko na wekamuni” (Mosaia 2:17). E levu tu na sala ni veiqaravi, ia na kena iusutu ga mo yalodina ka dauloloma. Oqo eso na sala kei na ivakasala mo veiqaravi kina:
-
Mo nanuma tiko mo veiqaravi taumada e liu ena nomu matavuvale.
-
Mo qarava talega na nodra gagadre na tamata yadua. Mo kila tiko yani na veika ena gadreva, vinakata se ganiti koya.
-
Me rawarawa toka ga na nomu veiqaravi, ka okati ira na so ka vakayacora sara.
-
Na nomuni matadredredre, yalo maqusa, dauvakarorogo, vakavinavinaka vakaidina, kei na lomasoli sega ni kilai era sa gacagaca bibi dina ni veiqaravi.
-
Nanuma tiko ka bulataka na ivakasala e tiko ena Mosaia 4:21. Dau soli ka vakalevu.