O La Tatou Itulau
Sa faaaluina e tamaiti o le Peraimeri i le Uarota a Tlaxcallan, le Siteki o Chiautempan Mekisiko, ni aso se lua e asiasi ma auauna atu ai i tina ua oti a latou tane ma isi aiga o le uarota. Sa latou usuina ni pese lotu, fesoasoani i le fafagaina o moa, ma faia ni galuega i totonu o nisi o fale.
Ia Novema i le 2008 i Pasila, sa i ai se lolovai faatasi ai ma timuga ma eleele na solo. Sa matou mauaina se pepa i le aoga o loo talosagaina ai ni foai. Sa ou foaiina se taga o ni mea na maua e aofia ai se loli fuimu mea taalo ma taavale leoleo meataalo e lua.
Inacio F., 4 tausaga, Pasila
Ou te fia fesoasoani i se tasi o lau vasega i le aoga. O lona igoa o Alessandro, ma e manaomia e ia le tele o le fesoasoani. E vavalalata lava o ia ma o matou faiaoga ona o ona manaoga, ma ou te fesoasoani atu ia te ia e faia mea e faatonuina mai i matou e faiaoga e fai.
Martina Z., 7 tausaga, Italia
Matou te lagona le fiafia pe a mafai ona matou usuina pese o le Peraimeri i le lotu faatasi ma lo matou tina. O le usuina o pese e fesoasoani i tagata e lagonaina le Agaga, ma e sili atu ona manaia le lotu faamanatuga pe a faatasi le Agaga ma i tatou.
Sephora B., 8 tausaga, ma Sariah B., 10 tausaga, Guadeloupe
Andrés O., 9 tausaga, Costa Rica
Tausoga Manatu Alofa
Sa ave lo’u tausoga i le falemai ona sa tigaina i lona manava. Sa manaomia ona faia ni suesuega se tele. Sa ou tusi atu ia te ia se tusi ma tau atu ia te ia ia lototele ma o le a ou tatalo mo ia. Sa ou afifiina foi se tusi faitau lelei ma se meaai manaia, lea na matou aveina atu i le falemai. Ina ua matou o ese mai, sa ou mauaina se faalogoga matua lelei lava. Ou te iloa afai tatou te faia ni mea lelei mo isi tatou te mauaina le lagona lelei ma e faafiafiaina ai le Tama Faalelagi.
Jake S., 7 tausaga, Alberta, Kanata
O se Toe Foi mai Talafeagai
Sa matou feausi i totonu o le vaitaele i se fale talimalo ma maua ai se uati taulima i le taele o le vai. Sa matou fesili i le tele o tagata pe o sa latou uati. Sa latou tali uma mai e leai. I le faaiuga o le aso, na matou lagonaina e tatau ona matou toe o tasi lava i le vai ma le uati. Sa i ai se aiga i le vai. Sa matou fesili atu po o i latou e ona le uati. Na latou tali mai o lea lava, ma sa latou sueina mo le vaiaso atoa. O le uati a lo latou tama, ma e tele tupe na faatau ai. Ua ou fiafia lava sa matou faalogo i le Agaga Paia ina ia toe faafoi le uati.
Huntley, Sarabeth, ma Caelin C., 10, 9, ma le 7 tausaga, Kalefonia, ISA
Ata tusi o le uati na saunia e Joe Flores.