Malumalu i Cardston Alberta

Na faapaiaina e Peresitene Iosefa F. Samita (1838–1918) le nofoaga mo le malumalu i Cardston, Alberta, Kanata, i le aso 27 o Iulai 1913. O le lotoa tuai o le tapeneko, lea na tuuina atu muamua i le Ekalesia e Charles Ora Card, o ia lea na mauaina le nofoaga i le 1887, ina ua faatoa taunuu atu Au Paia femalagaai anamua. Ona faataatia lea e Elder Tavita O. MaKei (1873–1970) o le Korama a Aposetolo e Toasefululua le maatulimanu i le aso 19 o Setema 1915. O Peresitene Heber J. Grant (1856–1945) na faapaiaina le maota i le aso 26 o Aokuso 1923.

O le malumalu na fausiaina i maamora paepae vaivai mai vilimaa lata ane i Nelesoni, British Kolumipia. O se itumalosi moni a le Atua i le malosi faaleagaga faapea foi i le tulaga faaletino, o le Malumalu a Cardston Alberta e i ai se vaaiga malosi o le laufanua valevalenoa o Kanata i soo se itu mai Cardston.

A o avea ma Aposetolo ia Elder Tavita O. MaKei, sa ia faataatiaina le maatulimanu o le Malumalu o Cardson Alberta i le 1915.

O se tasi o vaega mata’ina o le malumalu o le faatagata e 33-futu-le-lautele (10-m) i le itu i sasae. O le faatagata o loo faailoa mai ai le Faaola o loo ofoina atu le vai o le ola i le fafine Samaria i le vaieli.