O se Asiasiga i le Lotoa o le Malumalu

Malumaluo Sate Leki

Saunia e Jan Pinborough

Mekasini a le Ekalesia

Malaga faatasi ma i matou i lenei tausaga mo se maimoaga i nofoaga taua i le Lotoa o le Malumalu.

O se aso malulu tele pei o le aisa ia Ianuari. O falealuga o le Malumalu o Sate Leki ua amata ona sausauina i le kiona fou. Peitai e sili atu le fiafia o Kate nai lo le maalili. Sa malaga mai o ia i le Lotoa o le Malumalu mai lona aiga i Logan, Iuta, mo se maimoaga i laufanua o le Malumalu o Sate Leki.

O se nofoaga paia, o loo i ai le tele o mea mataina e matamata ma aoao ai.

O le agelu auro o Moronae o loo tu i luga i le falealuga sili ona maualuga. O lalo ifo, na vaneina i le maamora, o loo i ai upu ia “E Paia i le Alii.”

O puipui maamora o le malumalu o loo vaneina ai foliga o le la, le masina, le lalolagi, ao, ma fetu.

O fetu e fitu e sili le pupula ua vaneina e faasaga i le Fetu moni i Matu.

O le a le umi na fausiaina ai e paionia le malumalu? Na mauaina e Kate le tali i luga o ‘au uamea o faitotoa laupapa tetele o le malumalu.

O nisi o puipui o le malumalu e ono futu (2m) le mafiafia!

Sauniuni e Ulufale atu i Totonu

Na faapea mai Kate, “O le malumalu o se nofoaga e matua faapitoa lava. Ua le mafai ona ou faatalia lo’u matua ina ia ou alu ai i totonu.” Toeitiiti atoa lona 12, e le o toe umi ona faatali o ia e faia sui papatisoga mo e ua maliliu. Ua iloa e Kate e taua le saunia mo lena aso e ala lea i lona faaaloalo i lona tino ma le tausiaina lea o ona manatu ma lona tino ia mama.

Feiloai ia Kate

• O loo i ai nei o ia i le vasega ono.

• E fiafia o ia e tusiata, ta le piano, pese, ta fiti, ma taalo soka.

• E manao o ia ia avea ma tina, o se fomai talavai, ma se tausi manu i le lotoāmanu.

• E i ai sana molimau o Peresitene Thomas S. Monson o se perofeta a le Atua ma e mafai ona faatasia aiga e faavavau.

Pe Na Faapefea ona Latou Fausiaina?

I le fa o aso talu ona taunuu i totonu o le Vanu o Sate Leki, na savali atu ai Peresitene Polika Iaga (1801–77) i le tulaga o loo tu ai nei le malumalu. Sa ia tutu’i lona tootoo i le eleele ma faapea mai, “O le nofoaga lenei o le a tatou fausiaina ai se malumalu i lo tatou Atua.”

Sa tipiina e tagata tipi maa poloka tetele o maamora mai le mauga. Sa tosoina e povi pulu nei poloka i le 25 maila (40 km) i le Lotoa o le Malumalu. E tai fia selau o e na galulue, faatasi ai ma le autalavou, na fesoasoani e fausia le malumalu. Sa galulue tamaiti ia saoina atu ni tupe i le galuega, o nisi taimi latou te taaalo i-ve’a ai i va o poloka maa tetele!

E 40 tausaga na faamae’a ai le malumalu. Ina ua faapaiaina e Peresitene Uilifoti Uitilafi (1807–98) le malulmalu i le 1893, pe a ma le 15,000 tamaiti na o atu i sauniga o le faapaiaga.

VITIO I LUGA O INITONETI

Alu i le www.friend.lds.org e maimoa i se vitio e faatatau i le ulufale atu i totonu o le malumalu ina ia papatisoina mo e ua maliliu.

Ata na pueina e Craig Dimond, vagana ua faamatalaina; itulau faafeagai: ata na tusia e Dilleen Marsh; ata na pueina o le vai papatisoga o le Malumalu o Sate Leki e Welden C. Andersen; ogatotonu: ata o le malumalu na pueina e Greg Frei; tauagavale: ata pue o le fausiaina o le malumalu mai le faaaloaloga a le Faletusi o Talafaasolopito o le Ekalesia; ata pue o meafaigaluega na saunia e Lana Leishman