Nai Otootoga o le Lalolagi

Faateleina Tuufaatasiga o Tusigaigoa i Kanata

O le Sailiga o Gafa o Aiga ua faaopoopoina ai le lisi o tusigaigoa a Kanata o le 1851, 1861, ma le 1871 i ana tuufaatasiga i le initoneti, lea ua i ai ma tusigaigoa a Kanata o le 1881 ma le 1916. Ua fuafuaina e faaopoopo atu i ai le tusigaigoa i le 1891 a Kanata i se taimi lata mai. O faamatalaga e mafai ona sailia i le initoneti, e maua i le FamilySearch.org, o loo i ai ni faamaumauga e 17 miliona. O le maua fua e tagata lautele o nei lisi o tusigaigoa o le a faigofie ai mo tagata ona faalautele lo latou silafia i talafaasolopito o o latou aiga.

Na Fesoasoani Auaunaga i Tamaiti o Detroit

O le aai tutotonu i Detroit, o Michigan, ISA, e lauiloa i le solitulafono, gaoioiga faikegi, ma le faaaogaina o fualaau faasāina. Ona o le maualuga o tulaga o galuega ma le maulalo o tulaga o le aoaoina i le eria, na tuufaatasia ai le Siteki a Bloomfield Hills i Michigan ma le Ekalesia Tuufaatasi e fesoasoani i tamaiti aoga o se vaega o le Aso o Tuaoi mo le aai atoa o Detroit. Na tuufaatasia vaega e lua ma tuuina atu le silia ma le 250 ato aoga faafafa ua tumu i api, penitala, vali, titina, ma isi mea mo a’oga.

Sosolaese le Au Paia mai Afisasao

E silia ma le 70 tagata o le Ekalesia na o ese mai o latou aiga, o le toatele na nonofo ma tagata o o latou aiga, ona o afisasao i Iuta ma Kalefonia, ISA, ia Setema 2009. Na faaumatia e afi le silia ma le 123,000 o eka (50,000 ha) i eria o Sacramento ma Los Angeles, Kalefonia, na maliliu ai tagata fuimū e toalua ma faaleagaina ai le silia ma le 100 o fale. I le eria o New Harmony, Iuta, na faaumatia ai e afi le silia ma le 10,000 o eka (4,000 ha) ma ni fale. I setete uma e lua, na fesoasoani ai taitai perisitua o le lotoifale i tagata o le ekalesia na afaina.

O le Au Paia i Detroit, i Michigan, ISA, na galulue ma isi e tuuina atu mea a’oga i tamaiti.

Ata na pueina e Betsy Anderson