Hong Kong

Na faapaiaina ia Saina mo le talaiina atu o le talalelei i Beijing i le aso 9 o Ianuari 1921 i lena taimi e Elder Tavita O. MaKei (1873–1970) o le Korama a Aposetolo e Toasefululua. Peitai, o galuega faafaifeautalai na gata lava i le aai o Hong Kong. I le 1949 na tatalina ai e Elder Matthew Cowley (1897–1953) o le Korama a Aposetolo e Toasefululua le misiona i se tatalo mai Victoria Peak—o le vaega pito i maualuga e iloa mai ai le aai.

O le faaliliuga o le Tusi a Mamona na maea i le 1965, sosoo ai ma le Mataupu Faavae ma Feagaiga i le 1974. O le Malumalu a Hong Kong i Saina na avea ma malumalu muamua i le lalolagi na fausiaina i se fausaga e tele mea e faaaoga ai. E i ai foi i le fale se falesa, ofisa o le misiona, ma le fale o se peresitene o le malumalu.

Ina ua toe foi le pulega o Hong Kong i Saina mai le pulega a Peretania i le 1997, sa avea le Misiona a Hong Kong ma Misiona a Saina Hong Kong.

E Ala i Fuainumera

O Tagata o le Ekalesia i Hong Kong	22,939
Misiona	1
Siteki	4
Itu	1
Uarota ma Paranesi	32
Malumalu	1

O Elder Matthew Cowley, o se Aposetolo, na tatalaina le Misiona a Hong Kong i le 1949.

O Le Malumalu o Hong Kong China.