Talavou Matutua
Tuua o Mea ua Tuanai i le Taimi ua Tuanai
Ina ua 16 o’u tausaga, sa le lelei lo ma va ma lo’u uso masaga. Sa ma tauaimisa i mea uma. I se tasi aso na ia faamaina ai au i le aoga i se osofaiga malosi ma le patino i luma o se potopotoga a ni uo. O ana amioga ma upu faatiga na lofituina ai au i se auala na le mafai e lou tulaga faaletalavou ona gafatia. E oo lava ina ua fesiliga o ia e o ma matua e uiga i le mea na tupu, na te lei faatoese ai lava. E tele tausaga sa ou taofimau ai lena tiga.
Sa i ai o ia i lana misiona i le taimi na maua ai foi lo’u valaauga mo se misiona. Sa ou sauniuni e ulufale atu i le malumalu ma amata ona ou toe mafaufau i lo’u olaga, e saili le mea e manaomia ona sui ina ia ou lagona ai le saunia e ulufale atu i le malumalu. Sa ou iloaina e ui lava e le tele se taimi na ou mafaufau ai e uiga i le mea na faia e lo’u uso, ae sa manaomia lava ou te faamagaloina o ia.
Sa sili atu ona faatiga au e lo’u uso nai lo se isi lava tagata, ma na ou iloa o le a le faigofie ona ou faamagaloina o ia. O lea sa ou tatalo ai mo se fesoasoani mai le Tama Faalelagi.
Ma i Lana fesoasoani mai, sa ou filifili ai e amata ona ou tusitusi atu e le aunoa i lo’u uso i lana misiona. I luma atu o lena taimi, ou te tautino atu, e seasea ona ou tusi ia te ia. Ona ou lafoina lea ia te ia o se afīafī. Ina ua alu la’u misiona, sa latou o mai ma o ma’ua matua i le nofoaga autu mo aoaoga faafaifeautalai ma fusi ia te au. Sa ia tusi mai foi i ni nai taimi ia te au. Ou te iloa e ui lava e ono manaomia sina taimi, faatasi ai ma le fesoasoani a le Tama Faalelagi, ae e mafai ona tatou tuua mea ua tuanai i le taimi ua tuanai.