2010
O Loo Faafofoga Mai o Ia
Iuni 2010

O Loo Faafofoga Mai o Ia

Saunia e Allison Graham England

“Ua faafofogaina e le Atua talosaga a lona nuu” (Mosaea 27:14).

  1. Devon, ua oo i le taimi e sauni ai mo le tatalo.

    Ae ua ou sauni.

  1. Leai, Devon. E tatau ona e tootuli, piilima ou lima, ma moeiini ou mata pe a e tatalo. E tatau foi ona e filemu. E faaali atu ai le faaaloalo i le Tama Faalelagi.

    Sa tiai i lalo e Devon lana taavale meataalo, piilima ona lima, ma tootuli i talaane o Tina.

  1. E faapefea ona faafofoga mai le Tama Faalelagi ia te au? E i ai ni Ona taliga?

    Ioe, e i ai Ona taliga. E faafofoga mai pe a fai au tatalo.

  1. Sa faia e Devon lana tatalo ma tumau ai i ona tulivae ma punou lona ulu ma piilima ona lima mo ni nai sekone ina ua uma.

    E le o talanoa mai o ia. E sao ea oe o loo faafofoga mai o Ia?

    E masani lava ona tali mai le Tama Faalelagi i a tatou tatalo i le talanoa mai lea i o tatou loto ma mafaufau nai lo o tatou taliga. Na te faia lea e ala i le Agaga Paia.

  1. Devon, e faapefea ou lagona pe a e faasoa atu?

    Fiafia.

    Ae faapefea ou lagona pe a e faia se mea sese—e pei o le tau’ai o au mea taalo?

    E le lelei la’u faalogoga.

    E fesoasoani le Agaga Paia i a tatou maua nei faalogoga ina ia tatou iloa ai le sa’o ma le sese. E fesoasoani mai foi ia i tatou ia maua ni manatu e uiga i mea e mafai ona tatou faia ina ia fiafia ai.

  1. E i ai isi auala tatou te iloa ai o loo faafofoga mai le Tama Faalelagi. Manatua le auala na ia fesoasoani ai ia tinamatua ia manuia ina ua maea lona faamanuiaga faaleperisitua?

    Ioe, ua ou fiafia ua manuia Tinamatua.

  1. Ona e te le o faalogoina le talanoa mai o le Tama Faalelagi ia te oe, e le faapea ai la e le o faafofoga mai. Na te avatua le mafanafana, ma lagona lelei ia e iloa ai o loo Ia faatasi ma oe.

  1. Sa lagona le fiafia o Devon.

    O lea ua ou iloa, Tina. E faafofoga mai lava le Tama Faalelagi ia te au.

Lolomi