Taimi o Fetufaaiga
O Le Agaga Paia e Molimau i le Moni o Mea Uma
I le Tusi a Mamona tatou te faitau ai ia Liae ma lona aiga. Sa taitaiina i latou e le Tama Faalelagi i se nuu fou i le laueleele o le folafolaga. Sa mauaina e Liae se meaalofa matagofie mai le Atua: o se polo lapotopoto e i ai ona vae e lua e “faasino mai le ala [matou] te o ai” (1 Nifae 16:10). Sa ta’ua lenei meaalofa o le Liahona. Na faamatalaina e Nifae o le Liahona “ua galue e tusa ma lo [matou] faatuatua ma le filiga, ma gauai mai” (1 Nifae 16:28). Sa aoao le aiga o Liae e mulimuli i le taitaiga a le Liahona.
Tatou te mauaina se meaalofa matagofie pe a papatisoina ma faamauina i tatou. O le meaalofa lenei o le Agaga Paia. O le meaalofa o le Agaga Paia e pei lava o le Liahona. E mafai ona tatou aoao e mulimuli i le Agaga Paia. Afai tatou te mulimuli i Ana musumusuga, e mafai ona tatou toe foi atu ma toe nonofo faatasi ai ma le Tama Faalelagi ma Iesu Keriso.
Iuni 2010 Api O TALAAGA O TUSITUSIGA Paia
Faitau Moronae 10:5.
Tatalo i le Tama Faalelagi e iloa ai o le a fesoasoani le Agaga Paia ia te oe.
Tauloto Moronae 10:5.
Filifili se tasi o nei gaoioiga, pe fai sa oe lava gaoioiga:
-
Fesoasoani i se isi e taulotoina le Moronae 10:5.
-
Aveese le gaoioiga o le Liahona i le itulau 65, ma faapipii i se pepa malo. Oti ese faataliolio ma vaega e lua o loo i laina motumotu. Faapipii faatasi faataliolio i se faapipii uamea. Faitau fesili o loo i le itu e oti ese, ma sue lana tali i mau faasino i le faamalama o loo faafeagai. E mafai ona e tusiaina lau tali i lau api o talaaga o tusitusiga paia.
-
Tusi i lau api o talaaga e uiga i nisi taimi sa e lagonaina ai le Agaga Paia. O le iloaina o Lana fesoasoani i le taimi ua tuanai o le a fesoasoani ia te oe e te faalogo ai ma mulimuli i Ana musumusuga i le lumanai.
-
Talanoa i ou matua, faiaoga, po o au uo i taimi sa taitaiina ai i latou e le Agaga Paia.
Tusi i lau api o talaaga pe tusi se ata e uiga i le mea ua e faia. E faapefea ona fesoasoani mea ua e faia e te malamalama ai i le Moronae 10:5?
O ai o le a aoao mai ia te au mea uma ma fesoasoani mai ia ou manatua?
E faapefea ona talanoa mai le Agaga Paia ia i tatou?
E mafai faapefea ona ou iloa le siufofoga o le Agaga Paia?
E mafai faapefea ona tatou iloa le moni o mea uma?
Ata na saunia e James Johnson