Aoaoina e Uiga i le Talalelei

Neetetia T. Raabaua, Kiribati

Ao avea au ma se teineititi sa tausia au e ni matua lelei ma le matagofie i se aiga e lotomaualalo faatasi ai ma nai ou tei e toafa. Sa alolofa tele o matou matua ia i matou, ma sa matou alolofa foi ia i laua. Sa laua mananao i mea lelei uma mo i matou, e ui lava sa laua le gafatia mea uma sa matou mananao i ai. Sa laua galulue malosi ina ia matou fiafia.

Ina ua amata ona ou matua, sa ou aluese ina ia ou auai i le aoga a le Ekalesia i lo matou atunuu, o Kiribati. Na fautuaina au e lo’u tama ia lelei la’u aoga ina ia mafai ona maua sa’u galuega lelei ma fesoasoani ai e tausi lo’u aiga. E lei leva ona ou auai i le aoga a le Ekalesia, ae papatiso loa au.

O se tasi o mea muamua sa ou faia i le avea ai o au ma se tagata o le Ekalesia o le faitauina lea o le Tusi a Mamona. I le faitauina sa fesoasoani lea e faamalosia ai la’u molimau i le Perofeta o Iosefa Samita. Sa ou aoaoina pe afai o le Tusi a Mamona o se afioga a le Atua, ona avea lea o Iosefa Samita o se perofeta moni a le Atua ma o Le Ekalesia a Iesu Keriso o le Au Paia o Aso e Gata Ai o le Ekalesia moni lea i luga o lenei fogaeleele. Sa ou faasoa atu o’u talitonuga i lo’u aiga, ma i ni nai tausaga mulimuli ane sa papatiso ai lo’u tina, lo’u tuagane, ma lo’u uso.

O le talalelei a Iesu Keriso na suia ai lo’u olaga ma aumaia ai se naunautaiga mo au e auauna atu i le Atua ma fesoasoani ia i latou o e le auai i lo tatou faatuatuaga. Ou te faafetai sa ou maua se avanoa e auauna atu ai i se misiona ma galue ai i le aumaia o agaga i le Atua.