Tala Fou o Malumalu

Ua Fofogaina Mai se Malumalu Fou i Iuta

Na fofogaina mai e Peresitene Thomas S. Monson ia Ianuari se malumalu fou e fausia i Payson, Iuta. ISA. O le a fesoasoani le malumalu e taulima ai le tuputupu ae o le faitau aofai o tagata o le ekalesia i le eria ma tuumamaina ai le faaaogaina o le Malumalu o Provo Iuta, o se tasi o malumalu aupito pisi o le Ekalesia. O le Malumalu o Payson o le a avea ma malumalu lona 15 i Iuta. Ua oo ai le fuainumera o malumalu o loo faagaoioia pe o loo i tulaga o le fuafuaina ma le fausiaina i le 152.

Faapaiaina le Malumalu i Arisona

Na tatalaina le Malumalu o Gila Valley Arisona mai le aso 23 o Aperila, 2010, e oo i le aso 15 o Me 2010 mo maimoaga. Na faia se faafiafiaga faaleaganuu i le aso 22 o Me, 2010. O le faapaiaga o le malumalu na sosoo ai i le aso 23 o Me, 2010, i ni sauniga se tolu o le faapaiaga. Na uluai fofogaina mai le malumalu ia Aperila 2008. O le malumalu lona tolu lea i le setete o Arisona i le Iunaite Setete.

O Le a Faapaiaina le Malumalu o Cebu

O le Malumalu i le Aai o Cebu Filipaina o le a tatalaina i tagata lautele mai le aso 21 o Me, 2010, e oo i le aso 5 o Iuni, 2010. O le a sosoo ai ma se faafiafiaga faaleaganuu i le aso 12 o Iuni. O le a faia le faapaiaga i le aso 13 o Iuni, ma ni faasalalauga o sauniga e tolu i le Atu Filipaina. O le a tatalaina le malumalu i le aso e sosoo ai. O le malumalu, na fofogaina mai i le aso 18 o Aperila, 2006, o le malumalu lona lua lea i Filipaina ma le lona 133 o malumalu o loo faagaoioia i le lalolagi atoa.