Nigeria

I le vaitausaga o le 1950, e toatele tagata Nigeria na amata ona aoao e uiga i le Lotu e ala i tusiga i mekasini ma tusitusiga a le Ekalesia. Sa latou auina atu ni tusi i le laumua o le Ekalesia e faaalia ai lo latou manao e aoao atili i aoaoga o le Ekalesia.

O le tali, na vaavaai taitai o le Ekalesia i le amataina o le galuega faafaifeautalai i le atunuu. Ae peitai, o se taua i totonu o le atunuu, faigata o visa, ma le luitau o le le lava o perisitua i le lotoifale e taitaia le Lotu lea sa taofia ai taitai mai le faatuina o ni iunite aloaia o le Ekalesia i le eria.

Sa iu lava ina mafai e le Ekalesia ona faatuina se faatasiga faafaifeautalai i le 1978. Ina ua taunuu ia uluai faifeautalai, sa latou mauaina ni vaega toatele o tagata e fiafia i le talalelei. O uluai papatisoga na faia ia Novema o le tausaga lena, ma o le aso lava lena, na faatuina ai le uluai paranesi a le Ekalesia.

E oo atu i le 1987 o le aofaiga o tagata o le Ekalesia ua toeitiiti atoa le 10,000, ma i le 1999, ua sili atu le toatele o tagata o le Ekalesia i Nigeria nai lo se isi lava nuu o Aferika, ma o le aofaiga o tagata auai ua 42,746. Ua i ai nei se malumalu o Nigeria i Aba, lea na faapaiaina i le 2005 e Peresitene Gordon B. Hinckley (1910–2008).

O Le Ekalesia i Nigeria
Tagata auai	83,919
Misiona	4
Siteki ma Itu	32
Uarota ma Paranesi	256
Malumalu	1

Luga: Tagata o le Ekalesia i Nigeria o potopoto faatasi e maimoaina le konafesi aoao. Taumatau: O Le Malumalu o Aba Nigeria.