O a Mai Ou Uiga-I?
O telefoni feaveai, imeli, feau feaveai i le telefoni—o le tele ia o auala maoae e te talanoa ai i au uo ma aiga. Pe e te iloa le taimi tatau e te faaaogaina ai?
1 Faatoa e mauaina se meaalofa o lou aso fanau mai i lou tinamatua. Na faamanatu atu e lou tina e te auina atu se tusi faafetai ia te ia, ae e te manao e lafo i ai se i-meli. O le a le mea e te faia?
-
Lafo ia Tinamatua se i-meli.
-
Lafo i ai se tusi sa e tusiaina.
2 Na i-meli atu Maria e valaaulia oe i le pati o lona aso fanau. Ua e manao e lafo le i-meli i lau uo mamae, o Sara. O le a se mea e tatau ona e faia?
-
Lafo le i-meli ia Sara ina ia iloa ai foi e ia le pati.
-
Tuu le i-meli ia nao oe lava.
3 Ua oo i le taimi mo le afiafi faaleaiga. E te manao e faaauau pea lau taaloga i le komepiuta seia amata le lesona. O le a lau mea e fai?
-
Faamaea lau taaloga ao usuina e la outou aiga le pese amata.
-
Tape le komepiuta, ma pepese faatasi ma lou aiga.
4 Na tuuina atu e ou matua ia te oe se telefoni feaveai fou mo faalavelave faafuasei. Ua e manao e vili lau uo ina ia vaai ai isi tamaiti i le aoga i lau telefoni. O le a lau mea e fai?
-
Fai ni valaau faatopetope, ina ia faaalialia atu ai lau telefoni fou.
-
Tuu lau telefoni i lau ato faafafa.
5 O loo manao lau uo o Cristina e te lua taalo i le lakapi faaamerika, ae o loo e tusitusi faatopetope [i luga o le initoneti] i le taimi lava lena i lau uo o Iakopo. O le a lau mea o le a fai?
-
Fai ia Cristina sei lua taaalo taeao ina ia faaauau ai pea ona e tusitusi ia Iakopo.
-
Tau ia Iakopo o le a e tusitusi atu ia te ia i seisi taimi ae sei lua taaalo ma Cristina i le lakapi faaamerika.
Na e tali i le a i se tasi o fesili? Afai e ioe, siaki nisi nei o metotia mo le faaleleia o ou uiga-i [po o uiga e faaaoga i le initoneti].
-
O le imeli o se auala vave lea o fesootaiga, ae o le faaaluina o le taimi e te tusiaina ai se tusi sa e faia o le a faailoa atu ai ia tina matua lou alofa ia te ia ma e te amanaiaina lana meaalofa. E mafai foi ona e vili atu ia te ia e tau i ai lou agaga faafetai.
-
O le auina atu o se i-meli a sau uo i le leisi au uo ua pei o le tauina atu o se mea faalilolilo. Afai e auina atu e sau uo se savali mo nao oe lava, ia taofi ai faapena lena savali. Ona le tiga ai lea o lagona o Sara pe afai e le o valaaulia foi o ia i le pati.
-
O taaloga komepiuta e manaia, ae o le afiafi faaleaiga e taua. Auai atu i le pese amata, ae sefe le taaloga komepiuta mo se isi taimi.
-
Afai na faatauina e ou matua sau telefoni feaveai mo faalavelave faafuasei, e le tatau ona faaaogaina e vili ai au uo. Ma le isi foi mea, o le a le fiafia nisi tamaiti pe a faalauiloa atu lau telefoni.
-
E manaia le talatalanoa i au uo tou te leo faatasi, ae sili atu lou faaaluina o le taimi tou te faafesagai ai ma au uo. Taumafai e faaitiitia lou taimi i le komepiuta ina ia faaaluina sou taimi tou te faafesagai ai ma au uo.
Ata na tusia e John Luke