Palaimeli Fakaangaangá
-
Ne ʻikai ongoʻi fiemālie ʻa Sofi heʻene tangutu hifo ke maʻu e meʻatokoni pongipongí ʻi he pongipongi Sāpaté.
ʻOku ou kole fakamolemole atu Sofi. He ʻikai te ke ʻalu ʻo lotu he ʻahó ni he ʻokú ke puke lahi.
-
Ne kamata ke tangi ʻa Sofi.
Ka ʻoku ou fie ʻalu ki he Palaimelí.
Mahalo pē te ta lava ke fai ha meʻa makehe ʻi ʻapi.
-
Ne loto mamahi ʻa Sofi. Naʻá ne ʻalu ki hono lokí ʻo ʻufiʻufi hono matá ʻaki hono sipí. Naʻá ne maʻu haʻane foʻi fakakaukau.
Mahalo te tau lava ke fai pē ha Palaimeli fakaangaanga ʻi ʻapi he ʻahó ni.
-
ʻI he teuteu e ngaahi tuongaʻane ʻo Sofí ki he lotú, ne tui ʻe Sofi hono vala ʻo e ʻaho Sāpaté. Naʻá ne fakakofuʻi foki mo ʻene fanga kiʻi tamapuá mo e monumanu ngaohi mei he tupenú ʻaki ha kofu fakaʻofoʻofa koeʻuhí ke nau haʻu foki mo kinautolu ki he Palaimeli fakaangaangá.
-
Hili e ʻalu e toenga ʻo e fāmilí ki he lotú, ne ngaohi leva ʻe he Fineʻeikí mo Sofi e loki talanoá ko ha loki ke fai ai ha Palaimeli fakaangaanga. Naʻe fakapipiki ʻe Sofi e ngaahi fakatātā ʻo Sīsuú ki he holisí pea toʻo mai e Tohi Hiva ʻa e Fānaú mei he tukuʻanga tohí. Naʻá ne toʻo mai foki mo e kalá mo e folofolá.
-
Ne tangutu ʻa Sofi he seá mo ʻene fanga kiʻi tamapuá mo e monumanu ngaohi ʻaki e tupenú. Ne fai ʻe he Fineʻeikí e lotu kamatá. Naʻe hivaʻi ʻe Sofi mo e Fineʻeikí e “Fānau Au ʻa e ʻOtua” mo e “ʻOku Ou Fie Sio he Temipalé.”
-
Ne fiefia ʻa Sofi he Palaimeli fakaangaangá. Naʻe tangutu maʻu mo ʻene fanga kiʻi tamapuá mo e monumanu ne ngaohi ʻaki e tupenú.
-
ʻI he ʻosi ʻa e Palaimeli fakaangaangá, ne fakatokoto ʻe Mami ʻa Sofi ʻi hono mohengá ke kiʻi mohe.
Fakamālō atu hono ʻai ha Palaimeli fakaangaanga maʻakú. Ka ʻoku ʻikai ke u faʻa tatali ke ʻalu ki he Palaimeli moʻoní he uike kahaʻú!
Ngaahi tā fakatātā ʻa Scott Peck