Ko e ʻIloʻi e Meʻa ke Lea ʻAkí

Kapau te ke ongoʻi ʻoku ʻikai ke feʻunga hoʻo ʻilo ki he ongoongoleleí ke vahevahe atu ki he niʻihi kehé, maʻu ha fiemālie ʻi he ngaahi talaʻofá ni mei he folofolá:

“Hiki hake homo leʻó ki he kakaí ni; lea ʻaki ʻa e ngaahi fakakaukau te u fakahū ki homo lotó, pea ʻe ʻikai veuveuki ʻa kimoua ʻi he ʻao ʻo e kakaí;

“He ʻe foaki kiate kimoua ʻi he houa ko iá, ʻio, ʻi he momeniti ko iá, ʻa e meʻa ke mo lea ʻakí” (T&F 100:5–6).

“Ka ko e Fakafiemālié ko e Laumālie Māʻoniʻoní,ʻa ia ʻe fekau ʻe he Tamaí ʻi hoku huafá, te ne akoʻi ʻa kimoutolu ʻi he meʻa kotoa pē, mo fakamanatuʻi ʻa kimoutolu ʻi he meʻa kotoa pē, ʻa ia kuó u lea ʻaki kiate kimoutolú” (Sione 14:26).

Ko ha ngaahi talaʻofa mahuʻinga ʻeni, ka kuo pau ke fai hotau fatongiá, kae toki maʻu kinautolu. Naʻe akoʻi mai kiate kitautolu ʻe Palesiteni ʻAealingi ʻa e foungá ʻi he pōpoakí ni: “Mateuteu ke vahevahe [ʻa e ongoongoleleí] ʻi hono fakafonu ho ʻatamaí ʻaki he ʻaho kotoa e ngaahi moʻoni ʻo e ongoongoleleí.” Ko e hā hoʻo meʻa ʻe fai ke fakafonuʻaki ai ho ʻatamaí e ngaahi moʻoni ʻo e ongoongoleleí?