Balaanong mga Kinaiya ni Jesukristo: Kamanggiloy-on ug Kamabination

Tun-i sa mainampuong paagi kini nga materyal ug tinguhaa nga masayud unsay angay nga ipakigbahin. Sa unsang paagi nga ang pagsabut sa balaanong mga kinaiya sa Manluluwas makapalambo sa inyong pagtuo diha Kaniya ug mopanalangin niadtong inyong giamuma pinaagi sa visiting teaching? Alang sa dugang nga impormasyon, adto sa reliefsociety.lds.org.

Imahe

The daughter of Jairus in dressed in white and sitting up in bed. She is being held by her mother and her father holds her hand.

Anak nga Babaye ni Jairo, ni Wilson Ong

“Diha sa mga kasulatan, ang kalooy nagpasabut nga tinud-anay nga ‘mag-antus uban ni.’ Kini usab nagpasabut usab sa pagpakita og simpatiya, ug kalooy alang sa usag usa.”¹

“Si Jesus mihatag kanato sa mga ehemplo sa mapuanguron nga mga kabalaka,” miingon si Presidente Thomas S. Monson. “Sa bakol nga tawo didto sa tuburan sa Betsata; sa babaye nga nanapaw; sa babaye didto sa atabay ni Jacob; sa anak nga babaye ni Jairo; ni Lazaro, igsoon nga lalaki ni Maria ug Marta—matag usa nagrepresentar nga usa ka biktima diha sa dalan paingon sa Jerico. Matag usa nagkinahanglan og tabang.

‘Sa bakol sa Betsata, si Jesus miingon, ‘Bumangon ka, dad-a ang imong higdaanan, ug lumakaw.’ Ngadto sa makasasala nga babaye miabut ang tambag, ‘Lumakaw ka, ug ayaw na pagpakasala.’ Sa pagtabang kaniya kinsa miabut aron sa pagkawos og tubig, mihatag Siya og usa ka tinubdan sa tubig nga ‘nagtubod ngadto sa walay katapusan nga kinabuhi.’ Sa patay na nga anak nga babaye ni Jairo miabut ang mando, ‘Inday, magaingon ako kanimo, bumangon ka.’ Ngadto sa gilubong nga si Lazaro, ‘Gula ngari.’

“Ang Manluluwas kanunayng mipakita sa walay kinutuban nga kapasidad alang sa kapuangod. … Atong ablihan ang pultahan sa atong mga kasingkasing, nga Siya—ang buhi nga ehemplo sa tinuod nga kamapuanguron—mahimong makasulod.”²

Dugang nga mga Kasulatan

Salmo 145:8; Zacarias 7:9; 1 Pedro 3:8; Mosiah 15:1, 9; 3 Nephi 17:5–7

Gikan sa mga Kasulatan

“Ang akong bana ug ako miluhod diha sa kiliran sa among 17 anyos nga anak nga babaye ug nangamuyo alang sa iyang kinabuhi,” miingon si Linda S. Reeves, ikaduhang magtatambag sa kinatibuk-ang kapangulohan sa Relief Society. “Ang tubag dili, apan. … among nasayran … nga … [ang Manluluwas] mibati og kalooy alang kanamo diha sa among mga kasub-anan.”³

“Usa sa paborito nako nga mga istorya sa kinabuhi sa Manluluwas mao ang istorya bahin ni Lazaro. Ang mga kasulatan nagsulti nga ‘gimahal ni Jesus si Marta, … iyang igsoon nga si [Maria], ug [ilang igsoong lalaki] nga si Lazaro.’”⁴ Sa dihang si Lazaro nagmasakiton, ang mensahe gipadangat ngadto kang Jesus, apan sa dihang Siya miabut si Lazaro namatay na. Si Maria miadto kang Jesus, mihapa sa Iyang tiilan, ug mibakho. Sa dihang nakita ni Jesus si Maria nga nagbakho, “siya miluom diha sa espiritu ug … naguol” (Juan 11:33, 35).

“Kana ang atong responsibilidad. Angay nga mobati ug makakita kita ug dayon motabang sa tanang mga anak sa Langitnong Amahan nga mobati ug makakita ug masayud nga ang atong Manluluwas midala diha sa iyang Kaugalingon dili lang sa tanan natong mga sala apan sa atong mga kasakit ug pag-antus ug kasakit aron Siya mahibalo unsaon sa paghupay kanato.”⁵