Mga Paagi sa Pagserbisyo Panahon sa Pasko

Si Presidente Monson migahin og panahon sa pagbisita sa mga tigulang ug niadtong anaa sa mga care center, ilabi na panahon sa Pasko. Nakamatikod siya nga adunay mga tawo nga nagmalipayon tungod kay sila gibisitahan, samtang ang uban naglaum lamang og mga bisita nga wala gayud mangabut. Adunay mga tawo nga naghulat alang sa usa ka tawo—tingali niini nga Pasko, kamo mahimong mao kana nga tawo.

Ang mosunod mao ang lista sa pipila ka mga paagi nga kamo makatabang sa pagsiguro nga walay mobati nga nag-inusara niini nga Pasko. Mahimo kamong maghunahuna og dugang nga mga paagi nga kamo makatabang sa inyong komunidad niini nga kapaskohan. “Aduna bay tawo nga naghulat sa inyong pagbisita?”

Maghimo og mga kard sa Pasko nga ipadala ngadto sa mga misyonaryo ug sa mga nag-inusara ug tigulang nga mga miyembro sa inyong ward o branch.
Moboluntaryo uban sa usa ka organisasyon sa lokal nga komunidad.
Manghatag og mga kopya sa Basahon ni Mormon isip mga gasa sa Pasko ngadto sa inyong mga higala ug mga silingan.
Mobisita og tigulang nga mga tawo sa inyong ward o pamilya.
Maghimo og mga makaon nga mahatag ngadto sa inyong mga silingan.

Alang sa dugang nga mga ideya unsaon ninyo nga makaserbisyo sa inyong komunidad, adto sa lds.org/topics/humanitarian-service/help.