Karaki man Ana Boki Moomon

E Bwabetitoia Aomata Aika Mwaiti Aramwa

Man Motiaea 16–18.

Abinataai bon te burabeti. E reireiniia aomata bwa ana onimaki iroun Iesu ao ni katoki karaoakin bwaai aika buakaka. Te uea ae buakaka ae arana Nooa e un iroun Abinataai. E aki tangiria Nooa bwa e na rairananona.

Te mwaane ae arana Aramwa e kakoaua Abinataai. E birinako ao e karaba mairoun te uea ae un. E namakina te nanokawaki ni karaoan bwaai aika bure, ao e rairananona, n aron are e a tia n reirei Abinataai.

A mwaiti aomata aika roko n ongora iroun Aramwa n reirei taekan Iesu Kristo. E reirei Aramwa bwa ngkana a rairinanoia ao n ira Iesu, a kona ni bwabetitoaki.

A uboubo aomata ma te kukurei. A berita bwa ana buokiia tabeman. A berita bwa ana tangira te Atua ao n tuangia tabeman aomata Rongorongona. A tauraoi ni bwabetitoaki.

Temanna imwiin temanna, Aramwa e bwabetitoia aomata. A rangin ni kukurei n riki bwa mwakoron ana Ekaretia Iesu.

Ngke ti bwabetitoaki, ti karaoa te aeka ni berita ake a karaoia ana aomata Aramwa. Ao ti riki bwa mwakoron ana bwainimwakuri ana Ekaretia Iesu!