Mitinare Aika a Maan: Kainnanoaki, Kakabwaiiaki, ao Tangiraki
Mwakuri n aroia mitinare aika taanga a rang ni konabwai riki, aki bobuaka, ao a kakukurei riki nakon are ko iangoia.
“Ko kona n roko ao ni ibuobuoki?”
Bon te titiraki Gerald ao Lorna Malmrose mai Washington, USA, a kaeka mai imwaina. A taekina eng ngke aia bitiobi ngkoa, ngkai ai te mition beretitenti, e titiraki ngkana a kona ni ibuobuoki ni mwakuri ma ngaia n te West Indies. A manga taekina naba eng ngke aia titeiki beretitenti e weteia ni kanoa te mwkauri n te mition n atuun te Ekaretia i Salt Lake City, Utah, USA, ni mwkauri ma kombiuta ao buokaia aomata.
Ngke aia bitiobi ngkoa ao mition beretitenti, Reid Robinson, e weteiia riki, n te tai aei ai bon te beretitenti ibukin kataneiaia mitinare i Accra, Ghana, e titiraki ngkana a kona ni ibuobuoki te utu ae Malmroses teuana riki te tai.
“Ti ataia ti kona ni kakoaua te Uea,” Unimwane Malmrose e taku. “Ma ti iangoia ni manga Kakoaua riki.” A kaeka eng, a katiai aia booma ibukin te rekomente a butimwaea weteakia, ao ni waekoa n roko i Ghana.
Mwakuri n Ibuobuoki n Taanga
Aia taneiai te utu ae Malmrose ni kaoti tabeua reirei ibukiia mitinare aika a maan ni mwakuri n te mition are a mwaiti aomata aika a na aki oota:
-
Iai uoua aekakin taian mition. (1) Te Beretitenti n te Ekaretia e weteia mitinare taanga ni ibuobuoki ni mwakuri man mweengaia ke n raroa man mweengaia. (2) Te titeiki beretitenti e weteia mitinare taanga ni ibuobuoki n te Ekaretia ni kainanoakiia n te aono ke itinaniku, man 8 nakon 32 te aoa n te wiiki. A bon maeka ao ni mwakuri n aia tabo ma n tabetai a kona ni mwakuri n raroa man mweengaia.
-
A kaungaaki Mition beretitenti ni kakaeiia taanga ake a kona n tau ni kainnanoakiia n te mition, ao taanga a kona n anga kainnanoia. “Ti aki taekinna bwa taanga a kona n anaa ao n rinea oin tabeaia ni mitinare,” e taku Unimwaane Jeffrey R. Holland man te Kooram n te Tengaun ma Uoman n Abotoro. “Te wewete bon te wewete. … [Ma] ti taetae nakoia ara taanga aika a maan ibukin kainnanoia n te mwkauri, ao te kariaia a anganaki ibukiia ni mwakuri nakon te tabo raa ao a na kanga ni mwakuri.”1
-
Taian beretitenti n te mition a reirei ma taanga a na kanga ni kabonganai aia atatai ma tamaroan aia konabwai. “Ni karekean kakawakin te taneiai n aroia taanga aika a maan,” e taku Beretitenti Robinson, “ko kainanoa ni karekea am tai ni beku ni ikotaki n am aono are ko anga nanom nako iai ao am konabwai e na manena n te namakin n anga.”
N aron te katooto, Beretitenti Robinson e ataia bwa Unimwane Malmrose e taetae ni Buranti, ibuobuoki ibukina a mwaiti I Aberika aika taetae ni Buranti. “I nora ana konabwai n tia ni irekereke ma te mwamwananga iaon mwakurian taian visa,” e taku Beretitenti Robison. “Ma ngke e roko ikai, I namakinna bwa tiaki nanona ni koaua. Ngaia are I a kaoia ni kamanenaa rabwakauna ni kombiuta. E anganiira aki banebuakan ara tai.” Unimwane Malmrose e buokiia naba mitinare, riki mitinare ake a taetae-ni Buranti, katauraoi aara ao karaon mwakuri n te tembora ibukiia aia utu. Titita Malmrose, te tia ibuobuoki n te kuakua ae kinaaki, e mwiokoaki bwa e na mwkauri ma taokita ao neeti n te mition.
E Katauraoa te Kawai
N aroia te utu ae Malmrose, tabeman taanga a kunea bwa ngkana a kakoaua te Uea, E katauraoa te kawai. Anne te bwai ae riki ibukin Alvin ao Corazon Rieta mai Kawit, Cavite, ni Biribin.
“Uoua te ririki imwain ara babaire ni ibuobuoki, ti moana karaoan babaire ni barongai ara baire ibulkin ara bitineti n te utu,” e kabwarabwara Unimwane Rieta. “Natira temwane ao te aine a tibwa bane aia tai man te kaoreti ao a kona n tararuaia ibukira, ma ti a manga warenako antai ae e na katoka te kanganga n te bitineti ao a na kanga ara itabon ni manga mwakuri nakon ara babaire.
Titita Rieta e tabeainga ibukin kitanan tinana ae e a kara. “I nanokawaki ti na bon aki kawiaa ngkana ti a raronako,” e taku. “I namakinna naba I aki boraoi ma kakaewenakon reirein te euangkerio.”
A maroro ma aia bitiobi ao ma te taanga ake a tiba tia ni mwakuri i Davao. “Ngaiia ni kabane a anga aia koaua bwa te Uea e na kairiia n tatabeman taanga ni kanga n ataia ni karaoa aia kanganga ni mweengaia, aia utu, ao maane ibukin aia mition,” e taku Titita Rieta.
“N aron ti ukora te kairi,” Unimwane Rieta e taku, “ara raraomwa a taobwaraoaki—ara bitineti a nakoraoi n aki tabeakini kakaewenako, ara itabon a kaoti kukureiia ao boutoka, ao ara utu a kaan ni ikotaki n tararua tinara ae aoraki. Ti moanna n oota bwa te Uea e buokiira ni koaua.”
Te utu ae Rieta ngkai a ibuobuoki nakoia membwa ao kairiiri ni boutoka te Biribin Cagayan de Oro Mition.
A mwaiti Ae Kam Kona ni Karaoia
Tabeman taanga a iangoa aron uarereken marurungia, ma tiaki Keith ao Jennilyn Mauerman mai Utah, USA. Ririki n nako, aua te namakaina imwin mareakiia i Los Angeles California Tembora, Keith e katabeaki n tautia ao e kanakoaki ni buaka. Te tia kaira te kiba ni wanikiba ni buaka, e nakonako n rimoaia tabeman tautia ngke e rebwetaua te boom ian tano. A koreaki rangana aika uaai (ni kaineti ma ikoakina n rebwentauan te boom). Ngke e okira mweengana, Jennilyn e waekoa n roko irarikina.
“I ataia N na aki riai n raraomwa,” e taku Keith,” bukina ti a tia ni mare n ae akea tokina. Kainabau te aine e boutokaai n taainako. E teimatoa ni kakorakoraai ni katoa bong.”
Ngke e ritaea Titita Mauerman, a iangoia ni buoka te mition. Ma e na karika te kanganga Unimwane Mauerman n akean uaai rangana? “Iai n taainako bwaai I aki kona ni karaoi,” e taku, “ma a mwaiti bwaai ae I kona ni karaoi, ti a ataia bon iai te tabo ibukira.”
Ngke a bane n tia ni karaoi aia boomwa ibukin te rekomente, e kanoa te baoki ni kaetia ni kaotia bwa e a tia ni beku n te tanga ni buaka. N te tai ae waekoa a tarebooniaki man te Church Military Relations. “Iai au ID are e kona ni kariaia rinra n ana beiti te tanga ni buaka, ngaia are a tuangiira te kariaia te rekomente ibukira ibukin te ibuobuoki ni mwakuri n te tabo ni buaka.”
Te utu ae Mauerman a weteaki ni mwakuri n ana beiti te tanga ni buaka i North Caroline, USA. Unimwane Mauerman e oki ana ururing: “Te kanikina n te mataroa e taku ‘Fort Bragg, Home of the Airborne. Ngke te tia tei e butimwaeira ma ana botoningo te kibakiba ‘All the Way!’ bon te moan tai I tibwa ongo inanon ririki. Bon namakin ibukin te mweenga, e ngae ngke I tuai man roko iaon Fort Bragg. I ataia weteara e na nakoraoi ao bwa te Uea e bon mwannanoai.”
“Ti reiakin reirei ibukin te riki n toroni-bwai ao te marurung imwin te rawawata ao ibukin kakorakoran te mare,” e taku Titita Mauerman. “N te moan ti aki tangiria n tibwaua ara karaki, ma ti kunea bwa tibwauakina e karao a te bitaki. Tautia ao buuia a taraira ao a taku, ‘ngkana ko kona ni karaoia, ti kona ni karaoia.’”
Te utu ae Mauerman iai aia taneiai aika bon riai i North Carolina are a tuangaki bwa a na manga mwakuri riki. N te bong aei a mwamwananga tao 40 te maire (64 km) man mweengaia i Orem nako Salt Lake City uoua te tai n te wiiki ni mwakuri n aobitin te Church Military Relations. A reireiniia naba taanga aika a maan n te tienta ibukin kataneiaiia mitinare i Provo, ike a kunea bwa angiia kurubu n reitaki ma temanna are e tokanikai n te kanganga ibukin nakon te mwakuri.
Taetae aika Tabangaki
Weteaki nakon te Brazil Cuiaba Mition, Randy ao Lou Ellen Romrell mai Utah a tabeaianga. E ngae ngke Unimwane Romrell e a tia ni mwakuri i Brazil ngke te kairake ni mitinare, e a tia ni mwaninga ana taetae n Portuguese. Ao te Titita Romrell e aki ataa te taetae ni Portuguese. Kamatebwai ao korakoram, e ngae n anne, e buoka ni kaoka rabakaun Unimwane Romrell ni Portuguese ao Titita Romrell n rikirake. Ngaia are ai aron naba te ukulele.
“I aki baireia ni uotiarake,” e taku Titita Romrell, “ma Unimwane Romrell e tuangaki bwa e na karaoia, ao e kamimi n noran te bwai ae karaoaki. N aron ti reireiniia ara aomata ao ni mwakuri iaon manga kamarurungakiia ao raoraora, e bon kaunga ni kabonganai ni karekeia aomata n anenei kunan te aro. Ti reiakina te taetae, ao te anene e uota korakoran tamnei ma ngaiia.”
E ngae ngke rabakauna ni Portuguese a tabe n rikirake, e a kaman mwaatai n te katangitang. “Katangitang e uotiia ni ikotiia aomata,” e taku. “E ngae ngkana I aki ota ni bwaai ake a taekinii ni kawaraia, ngkana ti anene, ti reitaki.” Kaoakira n taetae n te reirei ibukin te motirawa i Amerika n te Thanksgiving, te utu ae Romrell a anenea anenen te aro ni kakaitau—ni kairiia ma te ukulele. Ao Titita Romrell e kamanenai naba bwaai riki ni katangitang, te biano, ni kauataboa anenean te aro n te taromauri.
Ao Portuguese? “E ngae ngkana ko aki rang ni bwaati, reiakinan tabeua taeka e ibuobuoki,” e taku. “Bebeten atongan mauri ao kamaurakiia ake a tia n rotaki ke iraraang. Tuangiia bwa ko reiakinna. Karaoia ni kabebetea ao katan iaon te Tamnei.” Ao te Tamnei, e koaua, bon te taetae teuana ni kabane aomata a kona n tibwauaia.
Mwakuri n te Mweenga
Paul ao Mar Jean Lewis mai Utah a kaman mwakuri tenua aia mition ni ikotaki (Palmyra New York Tembora; Hong Kong China Tembora; ao Croatia, Serbia, ao Slovenia ma tieminari ao intitute). A manga katauraoi ni mwakuri riki ngke aia titeiki beretitenti e titiraki, “kam kukurei ni mwakuri i bon ikai n ara titeiki, ni boutoka te mition ae ti maeka iai?”
“Ti boou ikai, ngaia e bon tamaroa karekean te tai anne,” e taku Titita Lewis. “Ti mwakuri ma mitinare roronga ao mitinare ataeinaine, karekea te reitaki ni mwakuri ma te beretitenti n te mition, kawari mwakoro ao taabo ni bowi, ao mwakuri ma taan kairiiri n te uoote.” A kawariia naba aomata ake a tiba reirei ao kaain te aro ake a aki roroko.
“Ti kaitibo ma aomata aika kamimi ake ti bon tuai ni kinaia ngke arona,” e taku Titita Lewi, “ni ikotaki ma tabeman kaain te aro ake a bon aki roroko. N norakiia n oki, karekei otenanti, ao ni kawara te tembora bon te kakabwaia ae kamimi.”
“A mwaiti taanga, ngkana a iangoa taekan te mwakuri n te mition, a raraomwaakina aroia tera ae a na karaoia ma mweengaia ao aia kaa ke tera a nang aki noria ma aia utu,” e taku Titita Lewis. “Ti bane ni kona ni maeka n oin ara auti ao ni buti n oin ara kaa. Ti kaungaiia n nakon aia katabetabe te utu, ngkana arona bwa e na aki untabwa ma katabeaiia ni mitinare. Ao ti bon mena ikai ibukin bungiakin tibura.”
Kakabwaiaan te Utu
N te itera are teuana, Jill and Kent Sorensen, ake man te titeiki ae ti tebo, taekinna bwa teuana te kawai ae tamaroa ni kakorakora aia utu n tia ni mwakuri n raroa man mweengaia. Titita Sorensen e taku, “Teuana oin te karautaeka irouia taanga n aki nako bon tibuia, ieinia natiia ma te korakai, nati aine a kan bung, kaaro aika kara—itera tabeua riki. Te Utu e moanibwai, ao ko ururingiia ni katoa bong. Ma nakom n te mition e karekea te rongorongo ae mwaaka bwa te mwakuri ni mitinare e bon kakawaki naba.”
Irarikina, ana taeka Unimwane Sorensen, “a mwaiti kawai n reitaki ngkai bwa ko kona n reitaki ni katoa tai.”
Mwanangaia te Sorensen a moanna teniua te ririki n nako, ngke aia bitiobi e titirakiniia n kakaraoa te firesides ibukiia taanga ni iangoaraoi te mwakuri ni mitinare. “Imwin tataekinana n reitinako,” e taku Titita Sorensen, “ti na bon nako ngaira!” A karekea weteaia ni mwakuri n te Cook Islands, n te tabo are e mwakuri iai tibun Jill 50 te ririki n nako.
N te bong aei, ibuakon tabeua mwakuri, a tuangaki n reirei iaon te Baibara n te kiraati n te naan reirei.
“Ti taekina aron te Kristo ae te bwaa,” e taku Unimwane Sorensen. “Ti anganiia ataein te reirei te atibu ae uarereke ao ni kauringaiia n tiku ni kamatoatoaaia n onimaki iroun Kristo. Ngkai taabo ake ti nako iai, aomata a taku, ‘Te Bwaa ae Matoa!’ ngkana a noriira.”
Nakomai ao Ibuobuoki
Ngkana ko taua ma nanom n riki bwa te mitinare ae bwanin taina n te mition ke ana mwakuri te mition n te Ekaretia, taanga ni kabane aikai a na bon titirakiniko aekan titiraki aikai ae Beretitenti Robinson e titirakina Gerald ao Lorna Malmrose: “Ko kona n roko ao ni ibuobuoki?” Ao a na tuangko anne, e ngae ngke ko bon mena ibuakona, te berita aei e koaua: Ko kainnanoaki, ko kona n anga am tibwatibwa, ao ko na kakabwaiaaki ao n tangiraki.