Rongorongo ni Kakawari n Reirei
Nati aine iroun Tamara ae Akea Tokina
Tataromwaaka ni kamatebwaia te bwai n reirei aei ao ukoukoria ni kan ataia bwa tera ae ko na tibwauaia. E kanga otam n “Te Utu: Te Katanoata nakon te Aonaaba” karikirakea am onimaki iroun te Atua ao ni kakabwaiaia naake ko tararuaia rinanon te reirei ni kakawari? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Koroboki aika a tabu e reireiniira bwa “ngkai kanoan te Atua ngaira” (Makuri 17:29) Te Atua e taekina Emma Timiti, buun te Burabeti Iotebwa Timiti, bwa “natiu te aine” (D&C 25:1). Ana katanoata te utu nakon te aonaaba e reireiniira bwa n tatabemaniira ngaira “tamnei … aika nati aine irouia ara karo i karawa.”1
“N [te maiu imwain te maiu ae mamate] te aba, ti reiakina kinaakira n arora n aine ae akea tokina,” e taku Carole M. Stephens, te moan kauntira n te beretitentii ni kabuta n te Bootaki n Aine.
“Mwanangara ni maiu n rabwata nakon te aonaaba e aki biti koaua.” akanne.”2
“Tamami are i Karawa e ata aram ao e ata arom,” e taku Unimwane Jeffrey R. Holland man te Kooram n Abotoro are Tengaun ma Uoman. “E ongo am tataro. E ata am kantaninga ao miim, n ikotaki ma maakum ao unim.”3
“Ngaira n tatabemaniira nako iai rekerekera inanon ana utu te Atua,” e taku Titita Stephens. “Utu iaon te aba a bane n tara ni kakaokoro. Ao ngkai ti karaoa te kabanea n tamaroa are ti kona ni kariki utu aika korakora n te katei, aron kainakin ana utu te Atua e kona ni kaainaki n aro aika kakaokoro—tia n iein ke tuai, te aro ni karo, ti mwanemwane ke ti aki, boboo ma aomata, ke bon aekakin aro ake ti katokai iaon ikotaki n te rongorongo.”4
Rakan riki Booki aika Tabu
Man Ara Rongorongo ni Kawai
N ana rongorongo n te Moan Kaoitioti,5 te Burabeti Iotebwa Timiti e kamatoai koaua aika a mwaiti—n ikotaki ma are e ata arara Tamara are i Karawa.
Te rorobuaka n ataeinimwane ae Iotebwa e inimaki ni kan ataia bwa te ekaretia raa ae e na kaainna ao e kunea bwa e na wareka Iakobo 1:5 N tokina Iotebwa e titirakina te Atua.
N ingabongin te tiburing teuana n 1820, e nakon te buakonikai n tataro ma e waekoa ni kabaeaki ni mwaakan te roo. E koreia man aei:
“Bon inanon te tai ni maaku ae korakora aei, I noora te oota iaon atuu, ae raka riki otana nakon otan taai, are e ruo ni karaurau ni karokoa e bwaka nako aou.
“Ni waetatan kaotina ao I a kunea naba bwa I a kainaomataki iroun au kairirbai are e tauai. Ngke e roko irou te ota I nooria uoman aika kakaawaki, are takiakiaia ao mimitongiia a aki kona ni kabwarabwaraaki, n tei i etau n te eea. Temanna mai ibuakoia e taetae nakoiu, ni weteai n arau ao n taku, ni kotea are temanna—Natiu ae Tangiraki Teuaei. Ongo Irouna!” (Iotabwa Timiti—Rongorongo 1:16 –17).