Ara Tabo

Kakabwaiaki Ibukin te Ongeaba n Tuan te Kabuianibwai

Sabrina T.São Paulo, Brazil

Ngke I uarereke, ngai ma au utu ti rinanon kangangan te mwane are toki ngke ai 10 au ririki. E aki kona n reke riki ana mwakuri tamau, ngaia are e mwakuri n te kawai ma boona ae uarereke. E tiku tinau n te mwenga n tararuai ma mwaneu ae uarereke

Ma e boni ngae ngke ti rinanon kanganga aika bati, e teimatoa ara koaua ni kabwaka te kabuianibwai ao angabwai riki tabeua. Ti kakaoonimakiia kabwakan kabuianibwai ni katoa namwakaina ao n aki mwanuokinna. Ti ataia ma te koaua bwa ti bon aki toki ni kakabwaiaki ibukin ana akoi te Uea ae mwaiti ao bukina bwa E kakawakina Ana berita ngkana ti ongeaba nakon Ana tua.

A toki ara bong ni kataaki n te mwane. Taian kakabwaia ae e a tia n anganiira n ririki aika tia n nako a bon rianako.

I ataia bwa koraki ake a kakaonimaki ni kabwaka aia kabuianibwai ao aia karea n anganano n te tangira ma te kouru ibukin kakabwaian maiuia tabeman, e na reke irouia bwaai nako n te aro are a na aki kainano ao te bwai teuana ae tamaroa riki e kona n riki, n aiarou ma au utu. A na rikirake taian kakabwaia. I ataa aei. I maiuakina aei.

Kokoaua ni Bwaai ni Kabane

Alivsi H., Jalisco, Mexico.

Ni moanakin te tiemetita n te reirei, ti karekei bwaai aika a aki kaboaki i roura aika kanoana te boki ae uarereke, ao bwaai riki tabeua. Teuana te ririki I tei ni karekei au bwai ao n tia n ataia bwa bwaai ake I karekei e bon rang bongana ibukiu.

Ni banen te bong, I noria bwa a anga uoua bwaai ae bon tii teaekana. E bon bebete te manga tei n te rain ao ni karekea te kauoua n tibwa, ao I motikia bwa N na karaoia. Imwiin bwaai ni kabane, a inaomata ao I kainanoa te bwai arei

I a watata n tei n te ruu ni motirawa, ike I a noora iai te tareboon are a mwaninga ataeinaine tabeman n tiaki nanoia. Bon teuana aekakin ake ae tibwa karaoaki, ao e a bon tibwa bua au tareboon teuana te wiiki i mwaina. Ma I aki iangoia bwa N na kawakinna. “Bon te iraa,” bon au taeka irou.

Ngkanne, iaoni kawaiu ni karekea au bwai are aki kabooaki te kauoua n tai, I a ataia bwa bon te aki onimakinaki kawakinan te tareboon bukina bwa N na kewe ao N na kangai akea ae I a tia ni karekea.

I kakaaitau nakon te namakin ae tamaroa aio are anganai te reirei ae kakawaki. I katuka te tareboon ao n okira mweengau ma au boki ae uarereke ae tii teuana, teuana te akenta, ao teuana katotoon bwaai, ma te namakina ae tamaroa ibukin te kokoaua ni bwaai ni kabane, e ngae ngkana a uarereke.