Ngkana Tamnei aika bubuaka a Roota te Mweenga—Buuaine ao Buumwane a uaia ni kainnanoa te kamarurungaki
I a tia ni karekea taraana bwa mwaakan te Tia Kamaiu ni kamarurung e kona n roko nakon te buuaine n aron naba te buumwane ngkana te buu mwane e rootaki n tamnei aika bubuaka.
Kabwarabwaraana n te tamnei are katokaaki bwa katoto
Inanon au kaonoua n namakaina ni bitiobi, iai tabeman taanga n au uoote a roko irou ma te koaua raoi n tuangai rootakin te buumwane ma tamnei aika bubuaka. N tabeua keiti, te buuaine e nakonako ni mimi n tibwa ataakin te kabuakaka ae raba, tabeman a kaman ataia inanon namwakaina ke ririki.
I karekea te nanoanga ibukiia taanga n tatabemaniia nako aikai ao a karekea namakinan mwaakan ana kamaiu te Tia Kamaiu n aron ae I a tia n maroro ntaainako ao n taraia raoi ni buokiia taari n tatabemaniia nako “ni ioi taurereke … are e na kabaei [iia] ni matoa” (2 Nibwaai 9:45)
Tao urakinan te Tamnei e a korakora rokona, e ngae n anne, n aron ae I a tia ni katibo ma buuia aine. I a tia ni kunea anne, ngkai tabeua maneka a boou ao tabeua a mwaka inanon ririki n tataneiai inanona, ni kabane taari aine aikai a waaki n aki ongea marakin tamneiia e riki man titiraki n aron aei, “Tera ae I karaoia nakoina bwa e na aaki katikaki n taarakiu?” ke “E aera e na kataia ni iangoiia bwa ngaia ma temanna riki irarikiu?”
Ibukina bwa te buu te mwane are e a tia ni bure, e bon bebete iroun te bitiobi n namakinna bwa te buumwane e rang kainnanoa rokon te kiing ni kauka mwaakan te Tia Kamaiu ni kamarurungnga, ma I a tia n reiakinna bwa kainnanon te buuaine ni kamarurunga man te maraki ao rootakin ana iango e korakora n aron kainnanon te buumwane ni kamarurungaki n te bure ao matoan tangirana.
N ana taeka nakoia Nibwaite, te burabeti Iakobwa e kabuakakaia mwaane ibukin aki kakaonimakiia ae a karaoia nakoia buuia, “mwaitiia ake a namakin [ake] moan te maraurau nanoia man itiaki ao ni kaiuruaki imatan te Atua ake a kukurei iai nanon te Atua” (Iakobwa 2:7). E reitinako: “Kam a tia n urui nanoia buumi aika a raraoi … ibukin ami katooto nakoia aika aki raraoi; ao a waerake tangin nanoia iroumi nakon te Atua” (Iakobwa 2:35). I a tia ni kakoaua tangiia ni matau. A bon otinako man rawawatan nanon te buuaine ni kitanakina iroun buuna n ana tamnei aika bubuaka ni kabongana ma man kakeaan bonganan taeka ao unin te nano ake a riki n aron mwiin korakain nanona. E aki nonoraki, ni koauana, ibukina mwaane ake aia katei ataaki te bukibuki iaon aroaron buuna, n taekin mwakuri aika a mwaiti are e karaoia te aine ke e kabwaka iai ni karaoia. E kananokawaki, e bon aki nonoraki ibukiia buuaine a moana ni kariaiai ao riki ni kakoaua bukinakiia aikai.
Te taangana a tekateka n au aobiti tabe bong imwin te buumwane e a kararoaai ana katei are e teimatoa n tamnei aika bubuaka n iai mwiina nakoina ma ngke e uarereke. N ongoraean ana reirei te Botaki n Aine e boboto iaon Titita Linda S. Reeves Eberi 2014, maungatabu ni kabuta e taekinaki, “Kamanoam man Tamnei aika Bubuaka—te Mweenga ae Boboto iai Kristo,” te buuaine e moana ni kinaa buuna n ana mwakuri aika aki raoiroi nakoina ni mwaitin kairiiri ake e riaon bwaai ake e tatangiri. Touan mwiin te reirei, e maroro ma buuna ma te titiraki, ao e kabwarabure n te bwai ae raba are e aki toki ni kakaraba n te tai ae maan. Arona n anuana are e a kaman rotaki, ngkai ea mamaara riki ma buen unna. Inanon aia moan maroro ma ngai, a rootaki n taraia bwa e na kanga aia mare n reitinako. I karaui nanoia bwa iai te kantaninga, anganiia tabeua moan reirei, ao imwina ni manga kaoiia n oki ni maroro ma ngai ni kaka temanna.
Ma korakoran te tataro are I anga ni katauraoai ibukin au bowi ma ngaiia, I karekei taeka ake n Bwaai n Ibuobuoki n te Mwakuri iaon LDS.org, kamataatan te buoka ibukin boutokaiia buu ake a kamanenai tamnei aika bubuaka, ike I wareki ake imwiina: “Kaota am tangira ao am tabeaianga ibukina ao ni kaka temanna, aron naba buun neienne. Kaotia bwa e aki bukintaeka ibukin buna ni kamanenan tamnei aika bubuka ke arona ae buaa ao e aki kantaningaaki n reitinako inanon te bwainikirinaki.”
Ni kaitiboou ma te titita, I iangoa raoi te reirei aei ao I kairia ma te koaua bwa ana mwakuri buuna bon akea rekerekena ma ngaia, tiaki ibukin bwaai ae e a tia ke e tuai ni karaoi, ma bon ibukin oin ana kanganga mai inanona. I taraa te namakin n raunnano ao raun ana kantaninga are e mena irouna n aron te mataata n taeka aikai ao n namakina koauan te Tamnei are e bon koaua. Imwiin bwanen te intawiu, e tuangai ngkana e kona ni karekea te kakabwaia n te nakoanibonga. I ataia bwa boni ti ngai are e tuangai ibukin te kakabwaia, n aron are e tangiria ni kawakina aron taekana ae raba mairouia ana utu ao raoraona.
N ibuobuoki ma te mwakuri ni kamarurung, I kaoa te buumwane n ira te kamarurungaki n -anua aika kareke ibukiia kurubu n Aomata Aika Itiaki, ao I kaunga buuna n roko n te kurubu n rereitaki ibukiia buuia ao kaain te utu. E tuangai namakinan te rau imwin te bowi ma taari aine ake a oota n te itera are e karawawataaki iai n te kantaninga are e noriia taanga ake a tia ni tataneiai inanona te kataaki ae ti te arona ao ni kona n tokanikai iai.
Tabeua te namakaina n nako imwin au bowi ma taanga aikai, ao au tangira au tabeaianga ibukiia e rikirake n aron mwiin au rereitaki ae bati. Ngke I ataia bwa reitinakon kawaia a na akea te unuun iai, bon te kakukurei nakoiu n ataia ni katoa namakaina bwa te buumwane e tia ni kainaomata n raroa man tangiran te wenenibure ao tamnei aika bubuaka ao n nora buna n rikirake n itiaki ao ni kokoaua, ake a tia ni kakoauaki.
N au intawiu ae nako ma ngaiia, te un ao te rannimata man ara bowi ae nako a oneaki mwiia ma moangare aika bati ao riki te ngarengare. Ma tao korakoran mwiina n reke bon te kantaninga—kantaninga are tiaki tii aia mare n reitinako ma e na karekea uaana ae te bwai ae tamaroa ao te karietataaki.
I ataa anne, ma te kananokawaki, tiaki aia taneiai taanga ni kabane ae ti tebo kanoana. Tabeua maare aki nakoraoi ngkana naake a kamanena te tamnei ae bubuaka a rawa ni karaoa te rikirake. N aki tabeakinan te kawai ae rineia te buumwane n toua, e ngae n anne, I a tia ni kamatebwaia bwa te reirei ni ibuobuoki nakoia buuaine e kaungaaki. Au kantaninga akea te titita n te aro aei are e na namakina bwa e tinanikuaki, taekinaki, ke n aki kamataataki iroun te bitiobi. Ana mwakuri te bitiobi inanon kanganga bon te kiing rinanon kaotan Mwaakan te Tia Kamaiu ni kamarurungi naano nako—riki koraki ake a tia n “kananoaki ikoakiia” (Iakobwa 2:35).
Inano: Kerri e bon rootaki n te rawawata ngke e ataa ana kanganga buuna n tamnei aika bubuaka, ma e kunea te kantaninga ao kamarurungana rinanon Iesu Kristo ao Ana mwakuri ni Kamaiu.