Iango Ibukin Bootakin te Utu n te Tairiki

Rongorongo aikai iai inanona taekan ao waaki ni kakukurei ake a kona ni kabonganaaki ibukin bootakin te utu n te tairiki. Aei teuana te katooto.

“Riki Ngkana ko Maama,” iteraniba 60: Ko kona ni kabonga am bootaki n utu n te tairiki n tibwaua iai te euangkerio! Maroroakinna n te utu bwa tera taian maaku aika ana karika am kanganga n tibwaua te euangkerio. Ko na tataro n te utu bwa te Uea e na buokiko ni kona n tibwaua te euangkerio ao tataro bwa antai ae ko kona ni kaoa nakon te bootaki n utu n te tairiki. Iangoia ni kaoia kaain te utu n tatabemaniia bwa ana kaota aia koaua n tain te reirei. Ko kona n rineia bwa ko na anga te reirei iaon taekan Kaokan bwaai ke te babaire ni kamaiu. Iangoia ni koroi mwiin am atatai ao am namakin n am tieno.