Kabatan-onan
Pagsunod sa mga Sugo ug Paghigugma sa Uban
Kon maghunahuna kita og gugma, sa kasagaran ang unang butang nga moabut sa hunahuna mao ang romantiko nga mga salida, tsokolate, ug mga bulak. Apan ang gugma—tinuod nga gugma—mas lawom pa ug mas dili hakog kay niana. Si Jesukristo nagpakabuhi alang nato ug namatay tungod nato tungod sa Iyang gugma alang kanato. Gani, ang duha ka dagkong mga sugo mao ang paghigugma sa Dios ug sa paghigugma sa tanan (tan-awa sa Mateo 22:36–40). Apan unsaon nato pagpakita sa uban nga kita nahigugma kanila?
Si Presidente Uchtdorf mipakigbahin sa sambingay ni Kristo sa duha ka mga anak, ang usa nagtrabaho alang sa iyang amahan ug ang usa wala. Ang Manluluwas mipasabut nga ang anak lamang nga misunod sa iyang amahan ang tinud-anay nga nahigugma kaniya. Sa samang paagi, kon kita mosunod sa mga sugo sa Dios, atong gipakita nga kita nahigugma Kaniya ug gusto nga mobalik ngadto Kaniya.
Apan sa unsa nga paagi nga atong mapakita ang atong gugma alang sa tanan? Si Presidente Uchtdorf mipasabut usab niana: “Kon tinud-anay kitang nahigugma sa atong isigka tawo, kita motabang ‘sa kabus ug sa timawa, sa masakiton ug sa gisakit.’ Kay sila kinsa mohimo niining dili hinakog nga mga buhat sa kalooy ug serbisyo, ang mao mga disipulo ni Jesukristo.”
Mao nga sa sunod higayon nga inyong makita ang inyong ginikanan, igsoon, o higala, hunahunaa ang pagserbisyo kanila sa pagpakita sa inyong pagbati alang kanila. Dili lamang kini makapalipay kanila ug kaninyo, apan makapalipay usab kini sa inyong Amahan sa Langit.