Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.

“Mga sugo = Gugma,” pahina 56: Ikonsiderar ang pagpangutana sa inyong mga anak mahitungod sa mga sitwasyon sa dihang sila natintal sa pagsupak kaninyo. Mga ehemplo tingali maglakip sa pagdula diha sa busy nga dalan o pagkatulog sa gitakda nga oras. Pangutan-a sila ngano nga mihatag kamo nila niadtong mga instruksyon (tungod kay kamo nahigugma kanila). Dayon magamit ninyo ang artikulo sa paggamit niini nga baruganan ngadto sa mga sugo sa Langitnong Amahan. Ipasabut nga ang Langitnong Amahan mihatag nato og mga sugo tungod kay Siya nahigugma nato ug nasayud Siya nga ang mga sugo makatabang sa pagpanalipod kanato. Atong ikapakita ang atong gugma alang Kaniya pinaagi sa pagsunod niadto nga mga sugo.

“Pag-atiman ni Elise,” pahina 70: Ang artikulo nag-istorya mahitungod sa usa ka bata nga ginganlan og Daniel kinsa usahay maglagot sa iyang igsoong babaye nga dunay kakulangan sa panglawas bisan og siya nahigugma sa iyang igsoong babaye. Ikonsiderar ang pagbasa sa artikulo uban sa inyong mga anak. Makapangutana ka kanila unsaon ni Daniel pagpakita sa iyang gugma alang sa iyang igsoong babaye ug pag-brainstorm og mga paagi nga mahimo sa inyong pamilya sa pagpakita og gugma ngadto sa usag usa, magsunod sa ehemplo ni Daniel.