Mga Bata Kinsa Nagbarug nga Masaligon
Pagkahimong usa ka Misyonaryo
Hi, ako si Jesse!
Matag miyembro mahimong usa ka misyonaryo. Ang akong stake president didto sa California mihatag kanamo og hagit sa pagpakigbahin sa ebanghelyo. Sa higayon nga mohatag ko og usa ka school report sa usa ka estado sa Estados Unidos, nakahibalo ko nga mao na kini ang akong higayon!
Ang Hagit
Ang akong magtutudlo mihangyo namo sa pagpili og usa ka estado sa U.S. ug maghimo og usa ka diorama, o gamay nga senaryo. Miingon ko sa akong magtutudlo nga ganahan ko sa Utah. Nakaadto nako sa Utah sa makadaghan nang higayon sa mga pagbakasyon sa pamilya. Gusto pa nakong makat-on og dugang mahitungod sa “Beehive State.” Ug naghunahuna ko nga tingali makatabang nako ang misyonaryo nga buhat!
Makalingaw nga Kamatuoran
Nahibaloan nako nga ang golden spike nga nagsumpay sa Unang Transcontinental Railroad nahimutang sa Utah. Nagbutang og litrato sa Salt Lake Temple sa akong project. Nagsulat usab ko og mga kamatuoran bahin kang Presidente David O. McKay (1873–1970) tungod kay siya ang paborito nga propeta sa akong lolo.
Ang Balay sa Putyukan.
Gusto nakong ipakita sa akong klase ang maanindot nga mga gilalang sa Manluluwas sa akong diorama. Gihapinan nako ang usa ka kahon nga may marka nga mga buyog ug gidisenyo kini sama sa usa ka balay sa putyukan. Ang mga balay sa putyukan nagpahinumdom kanato sa pagkugi og maayo sama sa mga buyog sa pagsabwag sa ebanghelyo.
Ang Kabusy mahitungod sa Pagka Misyonaryo
Gidala nako ang akong project ngadto sa open house. Ang tanan ganahan sa akong bee box! Mihatag nako ang akong magtutudlo og A+! manghinaut ko nga makita sa mga tawo kon unsa kanindot nga lugar ang Utah. Tingali mangutana sila mahitungod sa Ang Simbahan ni Jesukristo sa mga Santos sa Ulahing mga Adlaw. Dili nako makapaabut hangtud igo na ang akong pangidaron nga magmisyon ug ipaambit ang ebanghelyo!