Hain nga Dalan ang Pilion?
Matag adlaw si Hannah adunay bati nga isulti.
Una kadtong adlaw sa bag-o nakong giiskwelahan. Ganahan ko nga makighigala sa mga tawo ug maayo kaayo ko niini. Miabut ko sa akong klasrom ug nakita ang tanang mga tawo. Nagtuo ko nga aduna koy nindot kaayo nga tuig. Sa tingpaniudto uban sa akong bag-ong mga higala, nanglingkod kaming tanan tupad sa usa ka babaye gikan sa laing klase. Ang iyang ngalan mao si Hannah. Dihang milingkod ko, si Hanna miingon, “Wow, nanimaho gyud ang imong sapatos. Abi nako kon ang basurahan ra ang nanimaho o ang imong pahumot.”
Nakalitan gyud ko pagsulti niya niana, ug ingon man ang uban. Mao nga mibarug ko ug mibalhin ngadto sa laing lamesa sa laing bag-ong higala.
Pagkasunod adlaw sa recess, si Hannah adunay lain na usab nga bati nga gisulti. Nagpadayon ni sa matag adlaw, apan sa kada higayon, dili ko mobalos sa pagsulti og bati tungod kay ang akong magtutudlo sa Sunday School, si Brother Lawson, miingon nga kamo kinahanglan nga motratar sa uban sa paagi nga inyong gusto ang uban motratar kaninyo. Kon maghunahuna ko niana, akong gihangyo si Hanna sa matinahurong paagi sa paghunong o namalihug nga sultihan ko nganong ingon niana ang iyang gibuhat ngari nako.
Dayon mipauli ko ug gisultihan ang akong mama mahitungod sa tanang butang nga gisulti ni Hannah. Gibati nako nga mura na og manghasi! Ang akong mama miingon, “Abbey, paningkamuti lang nga dili mobalos og dautan. Usahay ang mga tawo nga nagbuhat sa ingon nga paagi tungod kay dunay dili maayong panghitabo sa panimalay.”
Busa mieskwela ko nga naghunahuna mahitungod sa unsay gisulti ni mama ug ni Brother Lawson. Nianang adlawa sa eskwelahan, si Hannah sa katapusan misulti nga dunay dili maayong nahitabo sa panimalay ug makasulti siya og ngil-ad tungod kay nasuko siya. Ako siyang gipasaylo, ug kining tuiga anaa siya sa akong klase ug maayo gyud ang among panaghigalaay!
Nakat-unan nako nga ang pagsunod ni Jesus mao ang labing maayo nga dalan.