Unsay angay nakong buhaton kon ako dunay pangutana sa gitudlo sa usa ka propeta?
Sa dihang ang gipahiuli nga Simbahan naorganisar, si Joseph Smith nakadawat og pagpadayag nagsulti sa mga Santos, “Ang pulong sa Iyang [propeta] nga ikaw makadawat, ingon og gikan sa akong kaugalingon nga ba-ba, sa tanan nga pagpailub ug hugot nga pagtuo” (D&P 21:5).
Si Joseph Smith usab miingon nga ang “usa ka propeta [usa] ka propeta lamang kon siya naglihok sama sa propeta.”1 Kini nagpasabut nga “ang pahayag nga himoon sa usa ka lider sa usa ka okasyon sagad magrepresentar sa personal, bisan maayo ang tuyo, opinyon, wala magpasabut nga opisyal kini nga para gayud sa tibuok Simbahan.”2 Sa kasagaran klaro kon ang propeta “nagpakita nga usa ka propeta,” sama sa pagpakigpulong sa mga miyembro sa Simbahan sa opisyal nga kapasidad.
Atong pribilehiyo ang pangpangayo sa Langitnong Amahan og kaugalingon natong pagsaksi mahitungod “sa bisan unsa nga giproklamar sa Iyang propeta.”3 Kon kita dili makadawat og usa ka pagsaksi, nan kinahanglan natong tun-an ang gipanulti sa uban pang mga propeta mahitungod nianang butanga ug mopili kon unsay buhaton. Ang pinakamaayo natong buhaton mao ang pagsunod sa hiniusa, padayon nga tambag sa mga propeta ”sa tumang pagpailub ug pag-ampo.” Kon kini atong buhaton, kita mapanalanginan (tan-awa sa 1 Nephi 2:11, 16, 19).