Unsaon sa Paghimo og Suicide-Prevention Safety Plan
Ikaw makahimo og safety plan aron kon ikaw makahunahuna sa pagpasakit sa imong kaugalingon, makasugod ka sa step 1 ug magpadayon hangtud nga ikaw mobati nga luwas na. Ang labing maayong panahon sa paghimo sa imong plano mao ang panahon nga wala pa ang krisis sa imong kaugalingon. Ibutang ang imong plano diin sayon ra nimo kining makita, sama sa imong cell phone. Dunay mga website ug mga app nga dunay makatabang nga mga template nga i-fill out, o ikaw makahimo og plano uban sa tabang sa usa ka eksperto (tan-awa sa step 6 sa ubos) o sa imong kaugalingon gamit niining mga sugyot:
1. Ilha ang mga timailhan sa pasidaan.
Unsa nga mga matang sa hunahuna, batasan, ug kinaiya ang nagsulti nimo nga dunay krisis nga umaabut? Isulat kini sa imong kaugalingong mga pulong. Sama pananglit: “Kon akong kanselahon ang akong tanang mga kalihokan ug gusto lang matulog.” “Kon magsige ko og hunahuna nga usa ka salagubangon.” “Kon mobati ko nga gisamokan, nga gusto kong dunay buhaton dayon aron mawala ang ka sakit.” Pagkamatikod niini nga mga timailhan sa pasidaan makatabang nimo nga kinahanglang imong sundon ang imong plano.
2. Paningkamot nga mokalma ug mahupay ang imong kaugalingon.
Paghimo og lista sa makalingaw ug makaparelaks nga mga kalihokan nga imong mahimo kon ikaw maghunahuna o maagni sa pagpasakit sa imong kaugalingon. Ang mga ehemplo maglakip sa paglakaw-lakaw, pagkaligo og init-init nga tubig, pag-ehersisyo, pag-ampo, o pagsulat sa journal.
3. Paghunahuna sa imong mga rason sa pagpakabuhi.
Usahay, ang ka sakit mawala sa positibo nga mga pagbati. Paghimo og listahan sa pagpahinumdom sa imong kaugalingon sa mga tawo nga imong gimahal, sa mga butang nga gusto nimong buhaton, ug sa mga panalangin nga imong gibati nga mapasalamaton.
4. Duol sa uban ug pangayo og panabang.
Paglista og pipila ka mga tawo (nga dunay mga numero sa telepono) nga imong kaistoryahan ug kinsa andam ug anaa sa pagtabang nimo sa uban nimong safety plan panahon sa krisis. Kini nga mga tawo mahimong maglakip sa mga higala, mga miyembro sa ward, ug mga sakop sa pamilya.
5. Siguroha nga ikaw anaa sa luwas nga kahimtang.
Maglakip kini sa paghangyo sa uban sa pagtabang sa pagkuha sa mga butang nga mahimo nimong gamiton sa pagpasakit sa imong kaugalingon, o pag-adto sa laing lugar hangtud mausab ang imong mga pagbati. Paghimo og listahan sa sosyal nga mga dapit—sama sa mga parke, mga gym, mga sinehan, ug uban pa—nga luwas ug makapalinga.
6. Kon ikaw gusto gihapon nga mopasakit sa imong kaugalingon, kontaka ang usa ka propesyunal.
Paglista og mga pangalan, mga numero, ug mga dapit sa mga klinika, mga emergency room, ug crisis hotlines. Suicide.org/international-suicide-hotlines.html lists hotlines alang sa daghang mga nasud. Sama pananglit, ang numero sa United States mao ang 1-800-273-TALK.
7. Human mabuhat kining tanan, kon ikaw dili gihapon mobati nga luwas, tawag sa emergency services o adto sa pinakaduol nimo nga ospital ug pangayo og panabang.