Mawazo kwa ajili ya Jioni ya Familia Nyumbani

Toleo hili lina makala na shughuli ambazo zinaweza kutumika kwa ajili ya jioni ya familia nyumbani Ifuatayo ni mifano miwili.

“Wao Walimuona Yeye,” ukurasa wa 58: Ina maana gani kuwa shahidi wa Kristo? Baada ya kusoma kifungu kama familia, unaweza kujadili njia unayoweza kuwa shahidi wa Kristo hata bila ya kumwona Yeye kwa macho. Unaweza kufikiria wazo la kuwa karibu na Mwokozi kama vile kutafuta nafasi ya kuwahudumia wakimbizi katika jumuiya yako, kujifunza kuhusu maisha ya Mwokozi wakati wa kusoma maandiko, kukaa na mtoto ili wana ndoa waweze kwenda hekaluni, au kumfikia rafiki mwenye shida. Pia unaweza kutazama Video inayopatikana kwenye mormon.org/easter na kutafakari umuhimu wa Kristo na Ufufuko Wake katika maisha yetu.

“Kujiandaa kwa ajili ya Hekalu Kila Siku,” ukurasa wa 69: Dada Joy D. Jones anatukumbusha sisi umuhimu wa kulifanya hekalu kuwa kipaumbele katika maisha yetu na kufanya kazi ya historia ya familia ili kutusaidia sisi kujiandaa kuingia. Unaweza kufikiria kuwa na “usiku wa historia ya familia na hekalu” kwa ajili ya jioni ya familia nyumbani Unaweza kujifunza jinsi ya kuorodhesha majina na kutafuta kumbu kumbu za familia au kujadili umuhimu wa ibada za hekaluni na kuangalia picha za mahekalu yaliyoko ulimwenguni kote. Kama unaishi karibu na hekalu, unaweza kutembelea maeneo ya hekalu na kujadili jinsi ambavyo mahekalu yanavyoweza kutuleta karibu na Baba wa Mbinguni na kutusaidia kuhisi upendo Wake.