Karakinan Iesu
Iesu E Kamwarakeia Aomata aika Mwaiti
Man Mataio 14:13–21.
N te bong teuana e tangiria Iesu n tiku n tii ngaia. E toka iaon te booti ao ni buti nakon te tabo ae rau. N te tai ae waekoa a mwaiti aomata ake a Iriiria ikekei.
Iesu e reireiniia aomata ao ni kamarurungiia ake a aoraki. Ni banen te bong, a moanna n namakina te baki aomata ni kabane. Ana reirei Iesu a tangiria bwa e na kanakoiia n ae raroa bwa a na kabooa te amwarake n te kaawa.
Iesu e tuangiia Ana reirei bwa a na kamwarakeiia aomata bwa aonga n aki nako. Ma bon tii nimaai aia kariki ana reirei ao uoman aia ika. E aki tau ni kamwarakeia aomata ni kabane.
Iesu e kakabwaia te amwarake ao n raeuai ni kamwakorokoroi. Ngkanne reirei a kabutia nakoia aomata. E na tau te amwarake?
Tengaa ataei, aine, mwaane a kang kariki ao te ika. Imwiin tiaia n amwarake, 12 te bwaene n amwarake ae nikirana! Bon te kakai. Kakai a teimatoa n riki i aon te aba n te bong aei!