Ni Karokoa Ti A Manga Kaitiboaki
Naake n te Kabanea ni Kaa
Man te maroro n tain te maungatabu ni kabuta inanon Okitobwa 1947, “Nakoia Naake n te Kabane ni Kaa.”
Inanon te kabanea ni kaa anne ao iai te matoa n nano ao te nano n aba ao te etieti, ao iaona ao riaon bwai ni kabane, onimakinaia taari ao mwaakan te Atua.
Tamnei iroun Getty Images
I tangiria ni kan taekina te kabanea ni kaa ni katoai kaa n turein aika abwabwaki ake a kaai ni buti n te aoraoi. …
… N oki rikaaki nakon te kabanea ni kaa, a aki nooria n tainako Taari te kawai imwaiia, ao karawa ae buruu are e karooaki mai mataia man te nang ae korakora ao bubun aontano. Ma te bong teuana imwiin teuana, naake n te kabanea ni kaa a waaki nako, ma te kainnano ao te kua, ma marakin waeia, ao n tabetai te bwarannano, n aia onimaki bwa te Atua e tangiriia, bwa e a tia ni kaoka te euangkerio ae koaua, ao te Uea e rimoaia ao e kairiia taari ni kaotinakoia mai moa. N tabetai, naake n te kabanea ni kaa n te tai ae uarereke, kanga te katooto, ngkana te onimaki e korakora riki, mimitongin te aonaaba are tiretio, e tara n rangi n raroanako, ao te mii e waekoa ni bua ibukina bwa baika a tangiraki, ao te kainnano ao te maraki n nano n tabetai ai te bwarannano a waekoa n tainako n roko.
Ngkana e tabe ni mauna te mii, e roko te bwarannano. Ma a manga tataro riki ao n reitinako, ma te kamoamoaaki ae karako, n akean te kaunganano ae mwaiti, ao n akean te kamoamoaaki. … Ma inanon te kabanea ni kaa anne ao iai te matoa n nano ao te nano n aba ao te etieti, ao iaona ao riaon bwai ni kabane, onimakinaia taari ao mwaakan te Atua ao tamaroana. …
Ngaia are rinanon te bubu ao te bareka, … a karaurau n reitinako ni karokoa, a otinako man te mwanono ae nano nakon ae aoraoi ike a anganaki iai te motirawa ao te mweenga i Salt Lake. …
Ma bubua mwaitiia aomata aika a tia n ninikoria n aki bibitaki aia onimaki n aia konabwai aika a rianako ma a bon tuai n roko n tokin aia mwananga.
Te Tari Brigham [Young] e manga weteia riki bwa a na beku riki ni karekea abanuean te Atua ao ni kanakoia bwa a na maeka ni mwanono, uakaan ke n tionako, ni maunga aika ririeta ni maeka iai. Ma ngaia are a katokai uotaia iaoia kaomwaane ao a kairiia n te tiim, ao a karaurau ni mwananga nakon mwanono aika boou, ao ni manga kabwanina aia onimaki inanon te wanawana ao te kairi mai karawa n ai aron Moote. …
Ao nga ma nga mairouia aika te bwi ni ngaa, man te moan ni karokoa ngkai, ni kabane ake a rineaki mairoun te Atua, n anaaki man nakoaia aika mangori ao nakon tokin kawaia ae bwanin bwa te Tari Brigham ao tabeman ake a roko n ana karinan, ao te Atua e na anganiia kanuangaia. A taetae, a iango ao a mwakuri ao a karekea te onimaki n ai aroia bwaeoniia, n ai aroia naake a rietata nakoaia. Te mwakuri ni kateitei ni katean taabo ni maeka ni katobibia Salt Lake e aki karaoaki n te karaba ma tabeman aomata aika a ririeta nakoaia, ni mwaitiia bwaeoniia aika kain te Moomon ake a mwananga man aba naake a roko ni mwakuri ao ni kateitei ni boutokaia aia taan kairiiri. …
Ma ngaia are tamnei aika nanorinano man korakora aikai, … I nanorinano n anganiia au tangira, au karinerine, ao au kamoamoa ni karine.