Ngkana e a toki matakuakinan tamnei aika buakaka irou, N na riai ni marooro ma te bitiobi?

Ngkana ko bon mataku n tamnei aika buakaka, ko kaungaaki bwa ko na “ukoukora te buoka are ko kainnanoia. Am karo ma te bitiobi a kona ni buokiko n anai mwaneka aika riai nakon te rairannano ao ni katokiko man te katei ae urubwai aei” (Ibukin Kakorakorakiia Kairake [2011], 12).

Ngkana e a toki matakuakinan tamnei aika buakaka i bon iroum, te titiraki bwa ko na aki ke ko bon teimatoa n “tangiraki” n taetae nakon am bitiobi ibukin anne. Te titiraki raoi bon “Bukin tera N aki taetae nakon au bitiobi?” Akea nakobuakana. E na oota ao ni kaungaunga, ao e na kukurei ma am mwakuri korakora are ko a tia ni karaoia ni katoki am bure ake mai i mwaaina. E kona te bitiboi ni buokiko ni katoki nanououa aika a na teimaan aika ko karekei ni kaineti ma taum ao bwaninin am rairannano. Ao e kona ni buokiko ni kakorakora am onimaki ao onimakinan Iesu Kristo ao Ana anga karekea ni kamaiu. N iai bukina aika ti te arona, ko riai naba n iangoia n taetae ma am karo.