Kaeka mairouia Taan Kairiiri n te Ekaretia
E na kanga ni Karekeaki te Koaua
Te kabwarabwara man te maungatabu ni kabuta n Eberi 2008.
Te moan mwaneka ni karekean aekan nako te atatai boni kainanoan raoi kan ataakina. N aron te atatai n tamnei, te mwaneka are imwina bon bubutian te Atua n te tataro ae koaua. N aron are ti warekia n te kaotioti n taai aikai, “Ngkana ko bubuti, ko na anganaki te kaotioti iaon te kaotioti, te atatai iaon te atatai, are ko na atai kamimiin ao raun bwaai ni kabane—are a na uota te kimwareirei, are e uota te maiu ae akea tokina” (taraaa D&C 42:61).
Aio te bwai are e koreia Aramwa n aron te bwai ae karaoia: “Nooria, I a tia n aki mamatam ao n tataro ni boong aika mwaiti bwa I aonga n atai bwaai aikai I bon irou. Ao ngkai I tia n ataia irou bwa a koaua; ibukina te Atua e a tia ni kaoti nakoiu iroun te Tamnei ae Raoiroi” (Aramwa 5:46).
Ngkana ti kainanoia ao ukoria, ti riai ni uringa bwa ukoukoran te koaua bon ti aki te aroaro ae karaoaki ma te mwakuri are ti kantaningaaki bwa ti na karaoa te bwai teuana. E reirei Iesu, “Ngkana te aomata e karaoa oin nanona, e riai n ata te reirei, tao bon mairoun te Atua, ke tao I taetae mai Irou” (Ioane 7:17).
Kawaina teuana ni ukora te kakoaua e taraa ni kakuba ngkana e kabotauaki ma kawain karaoan te bwai teuana ni karekean atatai tabeua. Ti karekea ke kakorakoraan te kakoaua man kakaotakina. Aia kaoti koaua tabeman aomata e roko ni bebete man teirakeia ni kaoti aia koaua nakon katorobubuaia iaontano n tataro ibukin te koaua.
Ana koaua temanna e kakawaki nakon ara onimaki. Mwiin taekana, bwaai ake ti riai ni karaoi ni karekea, kakorakora, ao reitinako ni kawakina te koaua ae kakawaki nakon maiura n tamnei. N reitaki ma kawai ni karekean te koaua ake a a kaman taekinaki, ti kainanoia ni kana te toa ni katoa wiiki (taraa D&C 59:9) bwa ti aonga n tau ibukin te berita ae kakawaki are e na memena tamneina iaora n tainako (taraa D&C 20:77). Eng e koaua, bwa te Tamnei bon oin ara koaua.