Taekan te Onimaki
Murilo Vicente Leite Ribeiro
Goiânia, Brazil
Ngke e bwabetitoaki Murilo ngke 16 ana ririki, ana utu ni kabane aki kukurei irouna bwa e na bwabetitoaki. Ngke e karekea weteana n nako ni mitinare, ana karo a karenakoi ana kunnikai n taromauri ao a tuukia n nako ni mitinare. E aki toki ni buokiia ana utu nakon te Ekaretia, ma e tiku n namakinna n aki tau ibukina ngkai e aki riki ni mitinare.
Cody Bell, te tia rawetamnei
E kabwarabwaraaki nakoiu te Ekaretia ngke e koro au ririki 14. Raoraou bon kain te aro ao a kabwarabwaraai nakoia mitinare. I aki butimwaea aia rongorongo n te moan tai bukina bwa au utu a kaman kaaina te aro teuana.
Uoua te ririki imwiina I tuangaki ngkana I kukurei n takakaro ni butibooro n te ekaretia. I rangin n tatangira te butibooro, ao I tangiria n takakaro. I kaoaki naba bwa n ira te tieminari. I moanna n tatangira te Ekaretia.
I taetae nakoia mitinare, ao a reireinai taekan te Moan Mii ni Burabeti. Aio ae bita maiu. I namakina te kairi mai ieta n te tai are a taekinna. I tang i mataia. E ringaki nanou ao I namakina te tamnei ae korakora. I kariaia aia moan ni kakao ni bwabetitoaki imwiin te moan reirei.
Au karo a kaitaraa te Ekaretia ao a aki ira au bwabetito. E bon rang ni kaangaanga nakoiu. Tariu ae Joaquim bon ti ngaia kain au utu are raonai n te bong anne.
Imwiin au bwabetito I kaaitara ma kaangaanga aika a mwaiti. I kakoaua te euangkerio ae kaokaki, ma au utu a tuai karekea te atatai anne. I kataia ni kabwarabwara nakoia, ma aki oota iai au karo. I teimatoa n nanakon te taromauri, e ngae ngke a taku au karo bwa I a mwaninga taekan te utu. Te koaua bwa I tangiriia bwa a na nako n taromauri ma ngai.
Ngke e a roko te tai ibukin au mition, I namakina te tauraoi. I a tia ni iriira te tieminari inanon uoua te ririki, I iriira te kiraati ibukin te katauraoi nakon te mitinare, ao I nanakon te Intitute. I namakina te korakora n tamnei n te tai anne, ma au karo a moanna ni kakorakora aia kairiribai. A bane n irekereke kain au utu ni kataia ni kaotinakoai man te Ekaretia.
I karini au beeba ni mitinare ao I a karekea weteakiu ni mwakuri n te Recife Mition i Brazil . I tuangiia au karo bwa N na nako Recife n tei ibukin Iesu Kristo n riki bwa te mitinare. I un ma tamau, ao tinau e nako n ae raroa ao e karenakoi au kunikai n taromauri ao au boki. A bon rangin un.
I aki nakon au mitinare. Aio bon te kabanea ni matoatoa inanon maiu. I tangiria ni beku ni mitinare, ma I kaaitaraki n te totoko ae korakora. Akea te bwai ae bure ae I karaoia, ma I moanna ni bwarannano ao n aki kukurei, ao I teimatoa n karawawataaki inanon mweengau. Aia kantaninga au karo N na kabwara nanou ao n aki nako n taromauri.
E kaangaanga irou ae ngai te ataeinimwaane ae N na aki nakon au mition. I namakina te bakantang irouia raoraou ake a tia n nako ni mitinare, ao I namakinna ae I tiku n ti ngai n te taromauri. Tabeman aomata a taku bwa I aki nako ibukina bwa I aki tau. Ma I karaoa au kabanea n tamaroa n tiku ni matoa n te onimaki.
Inanon te tai are I kaitibo iai ma Kelly, are e na riki bwa buu. Ngke I kaitibo ma ngaia, ao karawawataau e kabebeteaki ao I kona n iangoai bwa natin te Atua. Kelly tiaki kaain te Ekaretia ngke ti moan mamarooro. E aki maan imwiina ao ti a mareaki, ao imwiin tabeua te tai I bwabetitoia. Ti kabaeaki n te tembora te ririki are imwina. Bon te tai ae onoti ao ni mimitong ibukiu.
Imwiin rikin ara moan nati, Rafael, ni bungiaki, ti uotia nakon te taromauri ni kakabwaiaaki. Au karo a ira te kakabwaia. Bon te moan tai are a tibwa ira te taromauri. Mai ikanne are a moanna n ongora n aia reirei mitinare inanon mweengaia. N tokina ao e reke au tai ni bwabetitoiia tariu ao au karo.
E kamanga bukina bwa tamau e rang ni kaitia ana babaire ibukina. E taku, “Natiu, n ningai te tai ae ko nang bwabetitoai iai?” Ngke e bwabetitoaki, I tabekia mai inanon te ran ao e rabwatai. Bon te tai ae e rang n onoti inanon maiu!
Ririki tabeua imwiina ao I kaitibo ma Unimwaane Jairo Mazzagardi man te Itingaun ngke e roko ni manga bairea ara titeiki. E tuangai ibukin au mition.
Unimwaane Mazzagardi e taku, “Te Tari Murilo, I ataia bwa ko bwabetitoaki ngke 16 am ririki, ma ko aki nako ni mitinare.”
“I aki nako ni mitinare,” I taku, ao ni moanna n tang.
“Ma I karaoa ae I kona ni karaoia bwa e aonga ni kabwara au bure te Uea. I a tia n riki bwa te beretitenti n te mwaanga ibukin onoua te namwakaina, ao I kataia n riki bwa te mitinare ao n anga au kabanea ni kona. I mwakuri korakora ni buokiia tabeman. I tangira te Uea bwa e na kabwara au bure. I aki tangira kabuakakakiu aei n te kabanea ni bong.”
Te Tari Murilo,” e taku, “tai tanrikaaki; taraa ae imwain. Are e tanrikaaki e nakonako n okirikaaki, ao are e taraa ae imwaina e nakonako n waakirake. Ko itiaki.”
I rang kukurei n ongo aio, ao I aki kona n taua raninin matau ni kimwareirei. Ngkanne I bon kona n namakina, imwin ririki aika mwaiti, ana rau te Uea.
Ti tebo ma e a tabekaki nako mai iaon nukau te baekibaeki ae te onoua n tan.
E tuangai bwa n na oki ma kainabau ao ni weteai bwa n na beku bwa te beretitenti n te titeiki.
E taku ngkanne Unimwaane Mazzagardi, “Am taneiai e na buokiko n riki bwa te beretitenti n te titeiki. Ko na kona ni buokiia kairake aika iai aia kaangaanga ke akea te boutoka mai irouia aia karo. E aki reke am tai n nako ni mitinare, ma aio am mition ngkai. Ko na buokiia kairake n nako ni mitinare.”
Ngkai I a riki bwa te beretitenti n te titeiki teuana mai ibuakon au kouru bon buokaia ataeinimwaane ao ataeinaine ni katauraoia n nako ni mitinare. E a tia te Uea n anganai taeka aika eti n te tai ae riai n taetae nakoia kairake aikai. I kakaitau bwa e a tia te Uea n anganai te tai ni buokiia tabeman bwa ana rineia n nako ni mitinare.
Murilo ao Kelly Ribeiro a kukurei ni kabanea aia tai ma aia ataei. Natiia aine a anene, ngke Murilo ao natina te mwaane e raonna n te kitaa.
E namakina te korakora n ana utu Ribeiro are e roko man te tataro ni katoabong.
E kaungaia natina aine Kelly ngkana e anenea te anene.
“I kakaitau bwa e a tia te Uea n anganai te tai ni buokiia tabeman bwa ana rineia n nako ni mitinare,” e taku Murilo. E aki reke ana tai ni mitinare, ma ngkai ngaia te beretitenti n te titeiki e buokiia ataeinimwaane ao ataeinaine ni katauraoiia n nako ni beku.
E reireiniia ana utu Murilo taekan miin Riaai n te kai ni kamaiu n ana Boki Moomon. Murilo ao Kelly a ataa kakawakin reiakinan te euangkerio nakoia natiia.
Ana karo Murilo a rang ni kakaitaraa te Ekaretia. A taku bwa e mwanuokina ana utu ngke e kaaina te Ekaretia. “Te koaua bwa I tangiriia bwa a na irai n taromauri,” e taku. Murilo e tangiriia ana utu bwa a na rang ni matoatoa n te euangkerio.