Iango Ibukin Bootakin te Utu n te Tairiki

Te Rongorongo aei iai inanona taeka ao waaki ni kakukurei ake a kona ni kabonganaaki ibukin bootakin te utu n te tairiki. Aikai uoua katooto.

“Te Bwauti ni Mwane ae Mwaaka,” iteraniba. 72: Ko na bae ni moana te bootaki n utu n te tairiki n anenea “Rinea te Eti” (Anene n Taromauri, nambwa. 239) Ko kona n takakarona-aron rinea-te-eti ma am utu. N aron te katooto, tera ae ko na karaoia ngkana ko kaririiaki bwa ko na babanikawai n te ukeuke ke ni katuka temanna man te waaki ni kakukurei? Karaoi moa bwaai aika riki i bon iroum ni kaboraoia ma aroaroia am utu.

“Tera te Reirei n Utu?” iteraniba. 74: Ni katauraoi ibukin oin Am Reirei ni Utu, ko na bae ni katei taian tua ao kouru ibukin am reirei ni utu. Butiia ni kabane kaain te utu bwa a na tibwatibwa. Tuua ao kouru a kona ni kairaki ma tiringakin bwaai aika maiu n te iti, te kakauongo imarenan temanna ma temanna, maroroakinan bwaai aika a na kaoti rimwi, ao ni karaoi ana kouru te utu aika teimaan. Karaoi i bon iroum am reirei ni utu ao karaoia bwa e na kakukurei bwa a aonga aomata ni kakantaninga karaoan aia reirei ni utu.