N na kanga ni kabaeranta aki motikan taekaia tabeman ao aki butimwaean te bure?

Ti tuangaki bwa ti na kabwarai aia bure tabeman ao katuka te kabanea ni motikitaeka nakon te Atua (taraa D&C 64:9–11, ma aei tiaki nanona bwa kakeaan te bure. Ngkana ti mena ibuakoia tabeman ake a irekereke anuaia n te bure, ti riai n riki bwa te oota nakoia ao ni kamanoa te bwai ae eti. N ae karako, nanon aei katean te katooto ae tamaroa n aki karekerekeira ma te bure ao n aki kamenaira n taabo ake e korakora iai te kakautitiraki ke n te reitaki. Ma ti riai n tuangiia aomata anuaia aika buakaka ni kaota nakoia ana tua te Atua ao n te kawai are ti namakinna ibukiia? Ao ngkana ngaia anne, n ningai ao ti na kanga ni karaoia?

Tao te kaeka e kaineti ma aron te kaangaanga, te aekaki n reitaki are ti karekea ma aomata ake ti irekereke ma ngaiia, ao rabakauia n ana tua te Atua. N aron te katooto, te marooro i aon kaka temanna n onoti nakoia kaain te utu ao rao aika ko rena ma ngaiia e tamaroa riki nakon ae ko na tuangiia am reitaki aika mwaiti bwa a na rairinanoia. Ukoukora ana kairi te Tamnei ae Raoiroi E kona ni kaira am taeka ao am mwakuri bwa ko aonga ni kaota koauan te tangira ae baeranti, butimwaea, ao matoan te motinnano nakon ana kainibaire te Uea.