N riki bwa ana reirei

Te aonaaba ae ti maeka iai taraan ae e baireaki bwa e na katai ara anganano n riki bwa ana reirei. Ngkai ti kamatebwaia te Nu Tetemanti n te ririki aei, a kona n anaaki nanora man ana reirei ao ana katooto Iesu Kristo ao Ana abotoro, are a kataia n reireiaki mairouia ao n riki n ai aron aia Mwaatita.

Ngkai taan reirei n te Nu Tetemanti i Brigham Young University, Ngai ma raou ni mwakuri ae Gaye Strathearn ti tibwauai tabeua iango inanon te rongorongo aei n taekan bannaia ana reirei are ti kona n reiakinna mairoun Maria, tinan te Uea (iteraniba 12), ao Ioane te Tatangiraki (iteraniba 18). Aomata aikai a mena ibuakoia taan kakoaua aika a korakora ibukin Iesu Kristo. Irarikin te Atua te Tama ni bon Ti Ngaia, akea ae e atatai riki nakon tinan Iesu are ni koauana bon Ngaia Natin te Atua, ao Ioane bon temanna mai buakoia moan ana Reirei ao n taraa n ae ngaia temanna ae e a kaman riki bwa raoraon te Uea ni kaan.

Anganano ibukin aikai ao reirei ake tabeman a reireiniira bwa ti na kanga n riki bwa ana reirei Iesu aika e tatangiriia ao ni kateimatoai arora n riki bwa ana reirei n aki tabe ma kaangaanga n te aonaaba.

Ngkai ti tataro mwaaka ni kamatebwaia te Nu Tetemanti, ti moanna n aki tii ataa riki rongorongon Iesu ma ni koauana ti na kona ni kinaa riki Ngaia (taraa Ioane 17:3).

Raomi ni Koaua,

Eric D. Huntsman