Te Kaubwai ae e Kororaoi are Ko na Tibwauaia
“Ningabong bon te bong ae e kakawaki,” e taku ana tia reirei Diego. “Ti na karaoa are Kaotia ao Karakina!”
E wingare Diego. E tatangira Kaotia ao Karakinna! E aki kona n tataninga ni kan kaota nakoia raoraona te bwai ae e rang kakawaki.
Imwin te reirei, Diego e tuanga Mama te rongorongo ae kakukurei.
“Tera ae N na uotia?” e titiraki.
“Te bwai ae e rang kakawaki iroum,” e taku Mama.
“I kona ni uota Lobo!”
“I taku bwa tiaki kona ni kaira te kamea nakon te reirei,” e taku Mama. “Ma iai riki tabeua am bwai aika a rang kakawaki ae ko kona n tibwauaia.”
E a moana ana kakae Diego ibukin ana bwai ae e kakawaki! E kunea te taore ae te mangkii are e kanoaaki. Tao e na uotia? Ma e reitinako ana kakae Diego.
E kakae ibukin kaintekatekan te umwanikuka. E taraa aon te tabo ni boki. E aki kan motirawa ni karokoa e bon reke te bwai are e rang tamaroa.
Ngkanne e a kakae irarikin ana kainiwene. E kunea te bwai ae moan te raoiroi!
E biri Diego bwa e na kaotia nakon Mama. E taua ni kamatoa ana bwai are e kakawaki.
“Mama!” e taku. Taraia! I kunea te bwai ae moan te tamaroa.”
E tabekaarake te tamnei ae e uarereke bwa e na nooria Mama. Bon tamnein Iesu ngke te teinimwaane ae e uarereke. E namakina te kukurei Diego ngke e taraa te tamnei. E tangiriia raoraona n te reirei bwa a na namakina naba te kukurei.
“Anne bon te bwai ae e kakawaki ibukin Kaotia ao Karakinna,” e taku Mama. “Tera ae ko na tuangiia kain am kiraati ibukin Iesu?”
“Bwa a bon kona ni kukurei aomata nako,” e taku. “Ibukina bwa Iesu e tangiriia aomata nako!”