N ai aron te Tia Kamaiu: N Rikirake ni Mwakoro aika Aua Aika a Kakaawaki
Ti aki rang n atatai n aron Iesu Kristo ngke e ikawairake, ma Ruka 2:52 e anganiira tabeua rongorongona.
Tamnein te aine ngke e ruorikaaki mai ieta mairoun Getty Images
“Ngaia are, I kantaningaaki bwa … N aera?”
I a tia ni kakauongo. Te koaua, I a tia. Te tia kairiiri e a tia n tuoa kabaeau bwa e mano, e a tia ni kaota nakoiu arou ni kabwaraan te roobu, ao e bon tarai matau man taku, “N na bon AKI kariaia bwa ko na bwaka”
Ma n te tai ae rang kakaawaki anne, I tei ikekei: n ruru ao ni maonotiti, ngke I taraa aon angau nako naano … n raroa nako nano, n ataia bwa ngai ae N na moan toua te mwaneka anne.
Nako man te katati.
Ngkai tao ko tuai n rinanon te bwai ae I rinanona, are ko nang nako n ewenako man te katati, ma te kantaninga bwa ko na tauraoi n ruo rikaaki ao ni kamanoaki. Ma ko a tia ni mena ikekei n te maiu n tamnei. Ko ataia, ngkana ko a tia ni kamatebwaia koroboki aika a tabu i bon iroum ao ko a tia n ongo irouia taan reirei ni kakoaua ni koauan te reirei ao reirei iai. Ko namakina te Tamnei ni kaoko bwa ko na karaoia n te kawai are e na buokiko n riki riki n ai aron te Tia Kamaiu. Ko ingainga n toua te mwaneka aei ao ni kaotia nakon te Uea bwa ko kabaeaki nakon Ana euangkerio.
Ngkanne ko iangoia, “N na kanga ni karaoa anne?”
Ao te bwai are e taraa ni maatata ao ni kona ni karaoaki n te tai ae nako e a bon bua naba. Ko a mena ikekei, n tei n rengerenge ni katatin te maiu n tamnei, n aki koaua ngkana iai iroum bwaai aika a riai ke n tauraoi ni mwakuri iaon te koaua are ko a tia ni karekei.
N riki n ai aron Iesu Kristo: Ko na kanga ni karaoa anne?
Moanna mai Moana
Te Tia Kamaiu e moana maiuna ae mamate n ai arom ao n arou: ngke ti uarereke. Ao inanon te tai, n ai arora, Iesu e a ikawairake (taraa Reirei ao Berita aika Tabu 93:11–17). E reireinna arona n nakonako, n taetae, ao ni ngare. E reireinna arona ni mwakuri, wareware, ao n reitaki ma aomata.
Ni koauana, aron te Uea “n ikawairake” e koreaki n Ruka 2:52: “Ao Iesu e riki rake n rabakau ma n ikawai, ma n akoaki iroun te Atua ao aomata.”
Ngkana ko kan riki n ai aron te Tia Kamaiu, ti kona n irii Ana banna ni katooto.
Ngaia are ti na taraa te baeten aei i bon iroura bwa e na kanga te riki n ai aron Iesu Kristo e bon kona n riki!
“Karikirakea te ataibwai”
Te Atua e a tia ni kariki ara iango ni karekei mwaitin ara konabwai aika kamimi n tibwatibwai, karaoi, ao ni karikirakea te ataibwai. Koaua, tamnei, konabwai, ao aron karaoaia—mwaitin te rongorongo are ti kona ni karaoi e bon aki tiatianaki!
Ma n aron te Tia Kamaiu, ti ukoukoria bwa ti na rikirake inanon te ataibwai, tiaki tii n rongorongo. Te ataibwai bon te kona ni kabonganai rongorongo n ae eti, n oota n ara rinerine, ao ni karaoi babaire aika a raraoi.
“Kabonganaan raoi te atatai e karekea te rabakau,” e reirei Unimwaane James E. Talmage (1862–1933) man te Kooram n Abotoro n te Tengaun ma Uoman.1 E kabwarabwaraa naba aron te Tia Kamaiu ni karekea te ataibwai: “E karikirakea wanawanana man ana kamatebwai, ao e karekea te ataibwai man te tataro, iango ao te mwakuri.”2 Aramwa e reireina natina ae Ereman, “O, uringnga, natiu te mwaane, ao reireiniko te wanawana i nanon ataeim; eng, reireiniko n am tai n ataei bwa ko na kaawakin ana tua te Atua” (Aramwa 37:35; kairaki katuruturuana). Iangoia: Te Onimaki, te kamatebwai ao te ongotaeka a karekea te atatai ma ni karikirake te wanawana!
“Rikirake n ikawai”
Nibwaai e bubura ao e korakora. Ngaia are e kabwarabwaraaki n koroboki aika a tabu are e aranaki bwa “e bon rangi ni korakora rabwatau” (1 Nibwaai 2:16). Tiaki ngai. Rabwatan Nibwaai e karaoaki bwa e na uotii kaangaangan waaki nakon tein rabwatana ibukina bwa iai tibwangan Nibwaai irouna aika a kakaokoro. Nibwaii e kabaa te kaibuke, e kakaei amwarake ibukiia ana utu, ao e buokiia ni mwananga rinanon te rereua.
Iai n rabwatara bwaai aika ti kainnanoi bwa ti aonga ni kona ni maiu ao ni kimwareirei n te maiu n rabwata. Ibukin ana baire te Atua ae akea tokina, te ataei ae tibwa bungiaki e rikirake rabwatana n ikawai inanon te tai. Ti aki kainnanoia bwa ti na karikii riki bwain rabwatara ke toman riira ngkai tia kara—bwaai akanne a kaman tia ni karikaki bwa mwakorokon rabwatara. Akea riki rakan bwain te rabwata ae kainnanoaki! Ma arora ae ti na kona iai ni buoka te Atua ao naake irarikira, ti riai ni kateimatoa te marurung n rabwatara.
Rabwatara bon mwaneaban te Atua, ke nnen tamneira (taraa 1 I-Korinto 3:16–17; 6:19–20). Beretitenti Russell M. Nelson e reirei: “Rabwatami, bon te bwaintangira ae karikaki, bon ana karikibwai ae moan te tamaroa te Atua. Bon umwan te iriko—mwaneaban tamneimi.”3
Rabwatara a kona n rinanon kaangaanga aika korakora, te aki toamau, ao te maraki ibukina bwa ti rinanon te maiu n rabwata, ma Tamara are i Karawa e karaoi rabwatara bwa e na rokoraoi ni katiai tibwangara n te maiu.
“Karikirakea te akoaki iroun te Atua”
Unimwaane Jeffrey R. Holland man te Kooram n Abotoro n te Tengaun ma Uoman e reirei bwa “te moan korakora ni koaua iaon bwaai ni kabane ae akea tokina bwa e tangiriira te Atua ngaira ma ni kabane Are nanona, korakorana, ana iango, ao marurungina.”4
Te Atua e tangiri ko. Riki ko kona n namakinna ae ko aki nakoraoi ke n taraaraoi, E tangiri ko—ma ni kabane korakoram, kabwakam, am titiraki, ao am kantaninga. Ngaia are kona kanga ni “karikirakea akoakim iroun te Atua”? Ko kaotia NakoIna bwa ko tangiria naba!
E taekinna Iesu nakoia Ana Abotoro, “Ngkana kam tangirai, ao kam na tou mwin au tua” (Ioane 14:15). Ami ongotaeka e kaota ami tangira nakon te Atua. Ami ingainga n nano n ongotaeka n ae uarereke, n ami mwakuri ni katoabong e kona ni katauraoi ngkami ni kaeka, ngkana e roko Ana kakao n taai aika a na roko, ao ni katiai bwaai aika a rang ni bubura.
“Karikirakea akoakimi irouiia aomata”
Kakubanako! Karekeaia aika a iriiriko iaon bwaai n reitaki e aki nanonaki bwa e a reke “akoakim irouiia aomata.”
Iesu e kabwarabwaraa te kawai ae okoro ni kairakiia tabeman—ao ake E kariaia bwa a na bitaki mai Irouna. E “nakonako ni karaoa ae raoiroi, … bwa e kabiria te Atua” (Makuri 10:38).
Beretitenti Henry B. Eyring, te Kauoman ni Kauntira n te Moan Beretitentii, e taekinna n te taina, “I kona n uringnga, are ngke arona bwa n te bong aei, rao ake a tia ni kaira maiu nakon ae tamaroa n te tai ae maan ae tia n nako. A tia ni bua, ma ururingakin aia tangira, banna ni katooto, onimaki, ao aia koaua e teimatoa ni kaungaaki.”5
Ko kona ni karaka kairakim n riki bwa te rao ae bitii maiu nakon ae tamaroa! Ibukin Kakorakorakiia te Roronrikirake reireiniko arom: “Kaota nanom ni koaua ae korakora irouiia tabeman; moangare ao ni kaotia bwa ko tabeakiniia. Akoiia aomata nako ao karineia, ao katoka te motikitaeka ao kabuakakakiia naake irarikim … Karaoa te mwakuri ae onoti n riki bwa te rao nakoia naake a mamaama ke a maroa, ake iai kainnanoia, ke a namakina te katinanikuaki.”6
Iangoa temanna ae ko rang tatangiria ao ko karinea—temanna are ko akoia. Tera anuaia ae a tia ni karikirakea are e kauringko iai iroun Iesu Kristo? Ibukin tamaroaia n ai aroia raoraora, raoraora ae ti tatangiria bon Iesu Kristo, ao Ana banna ni katooto bon ngaia are ti na iriiria!
N Ootana, iroun Greg K. Olsen
A bane n irekereke ni kabane
“Ao E riki rake Iesu n rabakau ma n ikawai, ma n akoaki iroun te Atua ma aomata” (Ruka 2:52). Ngkai ko iriira bannan te Tia Kamaiu n rikirake, ko na kunea bwa bwaai ni kabane a nakoraoi ni kabane, ao kam na riki n ai Arona. Ami iango, rabwatami, ao tamneimi a na mwakuri ni kabane ibukin kabwaiami, ao kam na kona ni kakabwaia maiuiia aika a mwaiti riki ao ni “beku iroun [te Atua] ma nanomi, marurungimi, ami iango ao korakorami ni kabane”! (Reirei ao Berita aika Tabu 4:2).